E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

I preferuari i Nanos/ Zbardhet pasuria e “përgjuesit” të Adriatik Llallës

28 Janar 2019, 10:21, Aktualitet CNA

Që në fillim të vitit që shkoi, 11 Prokurorë të Prokurorisë së Përgjithshme u përzgjodhën me prioritet për t?iu nënshtruar procesit të Vettingut.

Prokurorëve do t?iu hetohen pesë dosje, të cilat janë përzgjedhur përmes shortit të hedhur në ambientet e Prokurorisë së Përgjithshme.

Deri më tani janë shkarkuar prokurorët Artur Selmani dhe Kosta Beluri, ndërsa janë konfirmuar në detyrë, prokurorët Arben Kraja, Anila Leka, Sokol Stojani, Adnand Kosova, Alfred Progonati dhe Alma Muça.

Prokurorët e Prokurorisë së Përgjithshme që s?kanë kaluar ende në Vetting janë Arqile Koça, Andand Xholi dhe Thoma Jano.

Në fokus të CNA.al, në kuadër të procesit të Vettingut do të jetë prokurori Thoma Jano.

Ky i fundit ka punuar për hetimet që në periudhën e para viteve 1990 ku ka qenë shef i hetuesisë në Krujë.

Ai ka prekur kupolën e Prokurorisë, pas vitit 1997, kur punoi si kreu i prokurorisë së Tiranës, gjatë kohës që organi i akuzës drejtohej nga Arben Rakipi.

Gjithashtu risjellim në vëmendje se Fatos Nano, kur ishte kryeministër e afroi në Qeveri, duke e emëruar zv.ministër të Rendit Publik për të drejtuar sektorin e hetimeve .

Dhe në kohën kur Prokuroria e Përgjithshme drejtohej nga Theodhori Sollaku dhe Ina Rama, Jano ka punuar si prokuror në Prokurorinë e Përgjithshme.

Ndërsa më vonë ish-kryeprokurori Adriatik Llalla, e emëroi Janon në sektorin e përgjimeve.

Në këtë post, si prokuror, më shumë se përgjimet ai ka ndjekur ligjshmërinë e aktit të përgjimeve që kryhen nga specialistët e Shërbimit Informativ Shtetëror.

Ndërsa sa i përket pasurisë Thoma Jano, bazuar në të dhënat e marra nga ILDKPKI dhe nga Open spending Albania, nga 2003 kur ka deklaruar si pasuri një apartament dhe një makinë, nga viti në vit ka shtuar kursimet.

Pasuria e deklaruar ndër vite

Në vitin 2003 ka deklaruar një apartament banimi me sipërfaqe 130 metër katror, nja makinë tip Benz, të ardhurat nga paga e tij dhe e bashkëshortes.

Në vitin 2004 ai ka deklaruar një apartament në vlerën 5 milion lekë, makinë në vlerën 400 000 lekë, depozitë kursimi në shumën 1 milion e 300 mijë, gjendje cash 500 mijë lekë si dhe një kredi në vlerën 5 000 000 lekë.

Në vitin 2005 ka deklaruar depozitë bankare në shumën 400 000 lekë, ndërsa për shumën 1 367 490 lekë ka ndryshuar bankat, të ardhura nga pagan ë shumën 1 600 000 lekë, të ardhura nga paga e bashkëshortes në shumën 408 000 lekë, të ardhura nga paga e vajzës në shumën 280 000 lekë.

Në vitin 2006 ai ka deklaruar si të ardhura pagën e tij dhe të bashkëshortes.

Në vitin 2007 ai ka deklaruar apartamentin me vlerë 5 000 000 lekë, ka shitur benzin dhe ka blerë një makinë ?Golf? , për 480 000 lekë, gjendje cash 650 000 lekë.

Në vitin 2008 ka deklaruar të njëjtën pasuri si një vit më parë, por me kursime të shtuara në vlerën 1 150 000 lekë si dhe pagesën e vajzës në universitetin tashmë të falimentuar ?Kristal?, në shumën 250 000 lekë.

Në vitin 2009 pasuria e tij ka pësuar ndryshime. Ai ka deklaruar depozitë kursimi në shumën 3 200 000 lekë, gjendje cash në shumën 400 000 lekë, të ardhura nga vajza si pedgoge tek Kristali në shumën 75 000 lekë, të ardhura nga dhëndëri si mjek në QSUT në shumën 50 000 lekë, një autoveturë Pego, në vlerën 300 000 lekë si dhe të radhira nga dhënia e banesës me qira në shumën 300 000 lekë.

Në vitin 2010 , ndryshe nga një vit më parë ai ka deklaruar pagën e tij si pedagog në një universitet privat si dhe kursime të djalit në vlerën 950 000 lekë.

Në vitin 2011 ai ka deklaruar një autoveturë Benz prodhim i vitit 2000, në vlerën 550 000 lekë, depozitë kursimi në shumën 3 200 000 lekë, gjendje cash 450 000 lekë.

Edhe në vitin 2012 nuk i kanë munguar kursimet, ndërsa pjesa tjetër e të ardhurave i ka nga pagat tij të bashkëshortes dhe të fëmijëve.

Edhe në vitin 2013 ka deklaruar të njëjtën pasuri si një vit më parë.

Në vitin 2014 ka deklaruar të ardhura nga paga e tij në shumën 1 917 303 lekë, të ardhura nga paga e bashkëshortes në shumën 182 640 lekë si dhe të ardhura nga puna e djalit në shumën 791 160 lekë.

Në vitin 2015 ka deklaruar shtimin e depozitës bankare në vlerën 92 734 lekë, depozitë kursimi të djalit, shtuar me 67 350 lekë, shitje automjeti në vlerën 170 000 lekë si dhe të ardhurat nga pagat.

Në vitin 2016 ai ka deklaruar gjendje cash 850 000 lekë, të ardhura nga paga në shumën 1 736 952 lekë si dhe pagën bashkëshortes dhe djalit./CNA.al