web counter
LEXO PA REKLAMA!

SHKARKO APP

App Store
Google Play

Buxheti për arsimin/ LSI nxjerr zbuluar qeverinë

28 Janar 2019, 12:55, Aktualitet CNA

Dy deputetet studente të LSI-së, Kejdi Mehmetaj dhe Floida Kërpaçi kanë akuzuar sërish qeverinë për vjedhje dhe mashtrim të studentëve.

Në një deklaratë për mediat, Mehmetaj ka thënë që gjatë mbledhjes së Komisionit të Ekonomisë ditën e sotme, kryetari i saj Arben Ahmetaj nuk i ka lejuar që të flasin për këtë problematikë.

?Ishte kjo që bëri sot Kryetari i Komisionit të Ekonomisë, Arben Ahmetaj duke mos lejuar thënien e të vërtetës nga ne të dyja.

Kanë harruar të thonin atë që duhet të ishte prioriteti kryesor i ditës për çështjen e studentëve.?-tha ajo.

Më tej, ajo deputetja e LSI-së shtoi se nëse problemet e studentëve do të ishin zgjidhur atëherë procesi mësimor do të zhvillohej normalisht tashmë.

?Nëse qeveria do t?i kishte adresuar problemet e studentëve nuk do të kishte studentë të ngujuar madje edhe disa prej tyre që ndodhen sot në spitale nga ngujimi dhe protestat e shumta që ata kanë bërë.

Nëse do të kishte gjetur zgjidhje kryeministri nuk do ta kishin nxjerr të turpëruar në takimet me studentët.?-vijoi Mehmetaj.

Ajo theksoi se 0 lekë do të investohen për arsimin, duke shtuar edhe se për studentët e familjeve në nevojë është lënë i njëjti buxhet. Sipas Mehmetajt kjo do të thotë se në vitet e kaluara këto para janë vjedhur nga qeveria.

?Na tha që ishte përcaktuar një fond, cili fond ai i aksit Thumanë-Kashar që është 0 lekë.

Mos u gënjeni nga deklaratat që bëhen poshtë e lartë, pasi 0 para janë parashikuar të jepen për ?Paktin e Universitetit?.

Buxheti i nëntorit të vitit të kaluar që u votua edhe këtë vit nga mazhoranca do të thotë vetëm dy gjëra ose papërgjegjshmëri ose edhe këto lekë që  kanë qenë të dedikuara për studentët e familjeve me ndihmë ekonomike deri tani janë vjedhur nga qeveria e nuk kanë shkuar për studentët.?-deklaroi deputetja e LSI-së./CNA.al

 





Lajmet e fundit nga