web counter
LEXO PA REKLAMA!

SHKARKO APP

App Store
Google Play

Basha në Kavajë/ Rruga jonë nis me 16 Shkurt

28 Janar 2019, 16:56, Aktualitet CNA

Kryetari i Partisë Demokratike Lulzim Basha pas takimit me të rinjtë e Kavajës zhvilloi dhe një takim tjetër me strukturat e PD-së po në këtë qytet.

Kryeopozitari Basha akuzoi kryeministrin Edi Rama se rriti taksën për 97% të shqiptarëve ndërkohë qe premtoi uljen e saj. Sipas Bashës shqiptarët paguajnë sot naftën më të shtrenjtë në Europë.

?Njerëz të cilët kanë ndërtuar jetët e tyre pasuritë e tyre mbi kurrizin e popullit me firmën dhe vulën e Edi Ramës. E nisi duke rritur taksat ndërkohë që premtoi se do të ulte taksat për 97% të shqiptarëve. Sot ne paguajmë naftën më të shtrenjtë në Europë. Rriti tarifat për fëmijët tanë për studentët. Rriti taksat për një vend që ka fuqinë më të vogël blerëse në Europë?,-tha Basha.

Basha ka dhënë fjalën nga qyteti i Kavajës  se do të bëjë realitet ëndrrën europiane

?Jam sot këtu të jap fjalën përpara bashkëdemokratëve të mi kavajës që do ta bëjmë ëndrrën e kavajsve realitet. Atë ëndërr për të cilën kavajsit u ngritën 29 vite më parë. Ëndrrën europiane?,-u shpreh kreu i opozitës.

Kryetari i PD-së u ndal edhe tek kriminalizimi i politikës. Sipas tij rruga e tyre për të pastruar politikën nga krimi dhe kriminelët nis me 16 Shkurt.

?Rruga jonë nis me 16 Shkurt, për të pastruar politikën nga krimi dhe kriminelët. Bëni thirrje që me 16 shkurt duhet të jemi të gjithë bashkë për të zgjidhur kontratën me bandën e Edi Ramës dhe qeveria të jetë në dorën e popullit. Ne refuzuam krimin dhe ne do ta refuzojmë qeverisjen nga oligarkët. Ne refuzojmë grabitjen me ligj. Ne refuzojmë hipokrizinë e zgjedhjeve të vjedhura. Ne do ti fitojmë betejat ndaj kësaj qeverie sepse kemi mbështetjen e popullit e BE ndhe SHBA-së?,-tha ndër të tjera Basha nga qyteti i Kavajës./CNA.al





Lajmet e fundit nga