web counter
LEXO PA REKLAMA!

SHKARKO APP

App Store
Google Play

E fundit!

x

Debati për ish-sigurimsin/ Rama “shuplakë” Markut

28 Janar 2019, 15:49, Aktualitet CNA

Sekretari i Përgjithshëm i LSI-së Luan Rama në një postim në rrjetet sociale ka komentuar përzgjedhjen e një ish-sigurimsi në KLP. Rama ka bërë publik ligjin ku shprehet qartësisht ndalimi i ish-sigurmsave të jenë pjesë e drejtësisë.

?Integriteti i dyshimtë i reformës në drejtësi dhe fallsiteti i procesit të vetingut!

Prej Autoritetit për Informimin mbi Dokumentet e ish-Sigurimit të Shtetit, është shpallur një vendim, Vendimi Nr. 12, Datë 22.01.2019, sipas të cilit, del e provuar se njëri prej anëtarëve të KLP ( Këshilli i Lartë i Prokurorisë), i zgjedhur nga rradhët e prokurorëve, rezulton të ketë qenë bashkëpunëtor i Sigurimit të Shtetit. Edhe pse personalisht kam një qasje tjetër në lidhje me qendrimin ndaj ish-bashkëpunëtorëve të Sigurimit të Shtetit, për sa kohë ligji i përjashton ata nga e drejta për t?u përfshirë në organet e qeverisjes së sistemit të drejtësisë, analizën nuk mund ta bëjmë ndryshe, por vetëm duke iu referuar ligjit. Dhe ligji e thotë qartë: ?Të mos kenë qenë anëtarë, bashkëpunëtorë ose të favorizuar të ish-Sigurimit të Shtetit para 2 korrikut 1991 në kuptimin e ligjit ?Për të drejtën e informimit për dokumentat e ish-Sigurimit të Shtetit të Republikës Popullore Socialiste të Shqipërisë? (Ligji 115/2016 ?Për organet e qeverisjes së sistemit të drejtësisë?, neni 105, germ dh)?,-shkruan Rama.

Më tej ai ka sulmuar Prokuroren e Përgjithsmë të Përkohshme Arta Marku e cila u shpreh se një gjë e tillë nuk ishte një prej kritereve të ligjit

Rama ka ngritur disa pyetjen nëse kryeprokurorja vërtet nuk e dinte që ligji e ndalon një gjë të tillë.

?Mirëpo, paradoksalisht e në mënyrë groteske, me anë të një deklarate për shtyp, prokurorja që kryen detyrën e Prokurorit të Përgjithshëm, na thotë se ?… verifikimi në AISSH nuk ishte një prej kritereve të parashikuar në ligj?.

Vërtetë mendon kështu zonja me mandat të përkohshem e zgjedhur për të kryer detyrën e Prokurorit të Përgjithshëm?! Vërtetë nuk e di ajo se ligji ia ndalon një ish-bashkëpunëtori të Sigurimit të Shtetit që të zgjidhet në organet e qeverisjes s? sistemit të drejtësisë?! Apo bën sikur nuk e di?!?,-shkruan deputeti i LSI-së.

?Mbase vërtetë nuk e di. Dhe dua të mendoj se nuk e di. Sepse në të kundërt, nëse e di dhe shprehet se ?nuk ishte njëri prej kritereve të parashikuar në ligj?, gjendemi para një rasti skandaloz të shkeljes së ligjit dhe të pëpjekjes për ta fshehur atë me injorancën, që jo gjithmonë është aq e pafajshme sa mendohet!?,-shkruan Rama duke ngritur akuzën se nëse ajo vërtetë nuk e dinte gjendemi para një shkelej flagrante të ligjit.

Sipas tij në raste të tilla ligji ia njeh përgjegjësinë Prokurorit të Përgjithshëm.

?Pavarësisht komenteve e labirinthit të fjalive të deklartës, që teksa rreken sikur e merr në mbrojtje, n? fakt e shet prokurorin që u bë shkak i këtij debati duke ia lënë përgjegjësinë atij, ndërkohë që ligji njeh si autoritet përgjegjës vetëm Prokurorin e Përgjithshëm (neni 109 dhe 297 i Ligjit nr 115/2016 ?Për organet e qeverisjes së sistemit të drejtësisë?), një gjë evidentohet qartë: integriteti i dyshimtë i reformës në drejtësi dhe fallsiteti i procesit të vetingut!?,-përfundon Luan Rama./CNA.al





Lajmet e fundit nga