E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Bahri Shaqiri në krye të KLSH?/ Reagon mazhoranca

21 Janar 2019, 11:46, Aktualitet CNA

Presidenti Ilir Meta, publikoi sot, propozimin e tij për kreun e KLSH-së.

Bahri Shaqiri, ish-kreu i SHISH dhe aktualisht këshilltar i tij, ishte kandidati i propozuar nga Meta, që ka zgjuar reahimine mazhorancës.

Kryetari i Komisionit të Ligjeve, deputeti i PS Ulsi Manja, ka reaguar ndaj këtij propozimi.

Sipas Manjas Meta ka shkelur Kushtetutën.

?Presidenti I.M sot dekretoi propozimin e kandidaturës se Bahri Shaqirit për në krye të KLSH. Përtej faktit të të bërit politikë, sinqerisht nuk arrij ta kuptoj pse qenka kaq e vështirë për ta lexuar shqip në gërmë dhe frymë Kushtetutën e RSH?

Kandidatura e Bahri Shaqirit për Kontrollin e Lartë të Shtetit, përveçse është një kandidaturë me profil të lartë politik pasi vjen nga forumet drejtuese të LSI, ka edhe një problem serioz kushtetues. Kushtetuta e përcakton qartë si kriter të kandidatit për drejtimin e KLSH, ekspertizën në fushën e financave. Mbase zoti Shaqiri ka punuar me financat e LSI dhe këtë mund të ketë pasur parasysh kryetari në distance i LSI, Presidenti Meta, kur e ka propozuar?, ka shkruar Manja në rrjetet sociale.

Sipas Manjas, në këto rrethana është e pamundur të ndizet drita jeshile për emërimin e Shaqirit në krye të KLSH-së.

? E para s?ka të dhëna publike për këtë aktivitet dhe e dyta edhe sikur të na i vinte në dispozicion këto të dhëna LSI-ja, prapëseprapë kjo nuk do ta zgjidhte problemin kushtetues të kandidaturës. Madje mund ta komplikonte atë. Natyrisht ky është thjesht një opinion personal juridik, po për sa i takon Komisionit të Ligjeve e shoh realisht të pamundur dritën jeshile për zotin Shaqiri, për të cilin kam respekt për si e ka drejtuar SHISH-in në kohën kur qeverisnin zoti Berisha bashkë me zotin Meta.

Ndërkohë është shqetësues fakti se në mënyrë të përsëritur, për të disatën herë radhazi, Presidenti Meta po manifeston një mungesë të theksuar vullneti për ta lexuar shqip Kushtetutën e Republikës së Shqipërisë. Ky po që është një problem edhe më i madh se sa pamundësia për t?i dhënë OK kandidaturës së këshilltarit të tij?, ka përfunduar Manja reagimin e tij./CNA.al