web counter
LEXO PA REKLAMA!

SHKARKO APP

App Store
Google Play

Mbledhja e Këshillit të Lartë të Prokurorisë/ Vendimet që u morën

21 Janar 2019, 10:06, Aktualitet CNA

Këshilli i Lartë i Prokurorisë ka zhvilluar sot mbledhjen e tretë që prej konstituimit. Në rendin e ditës janë disa propjektvendime si miratimi i strukturës së KLP dhe propozimi i buxhetit për 2019.

Deri tani për t?u bërë pjesë e SPAK-ut kanë aplikuar vetëm dy prokurorë, Klodian Braho dhe Besnik Muçi. Kryetari KLP-së, Gent Ibrahimi u shpreh se në procedurën e aplikimit janë bërë disa lehtësi për prokurorët, ndërsa përsëriti thirrjen që të bëhen pjesë e këtij institucioni që do të luftojë korrupsionin dhe krimin.

Gjithashtu në rendin e ditës, pas propozimit të prokurorit Bujar Sheshi u fut edhe shqyrtimi i çështjes për plotësimin e vendit vakant në Apelin e Krimeve të Rënda me largimin e prokurorit Bujar Sheshi, i cili është zgjedhur anëtar i KLP.

?Kërkoj që të futet në rend edhe çështja për caktimin e përkohshëm të një prokurori si prokuror në Apelin e Krimeve të Rënda. Mendoj që duhet bërë në këtë mbledhje sepse situata është emergjente. Atje është vetëm një prokuror dhe nuk i ndjek dot të gjitha çështjet. Mund të krijohen probleme dhe për caktimin e masave të sigurisë. Mirë është që ta bëjmë në këtë mbledhje që të mos bëjmë një mbledhje urgjente?, tha prokurori Sheshi.

Ndërkohë anëtari Kostaq Beluri propozoi një strukturë shtesë të KLP prej 6 prokurorësh, propozim që u miratua me 9 vota pro dhe 2 kundër.





Lajmet e fundit nga