web counter
LEXO PA REKLAMA!

SHKARKO APP

App Store
Google Play

Prokurorët në panik/ Bojkotojnë Strukturën e Posaçme Antikorrupsion

21 Janar 2019, 09:30, Aktualitet CNA

Këshilli i Lartë i Prokurorisë që prej dy javësh ka hapur garën për Strukturën e Posaçme Antikorrupsion.

Por aplikimet nga prokurorët kanë qenë të pakta për të mos thënë fare.

Deri më tani vetëm dy prokurorë të Krimeve të Rënda, Klodian Braho dhe Besnik Muçi, kanë aplikuar për të qenë pjesë e SPAK-ut.

Kreu i KLP ?së, Gent Ibrahimi u ka bërë thirrje prokurorëve që të aplikojnë, ndërsa ka njoftuar se kanë vendosur të lehtësojnë procedurat për aplikim.

?Kanë kaluar dy javë  dhe janë vetëm dy kandidime. KLP ka vendosur të bëjë një lehtësim për procedurat që duhet të ndjekin kandidatët për dokumentet. Shpresojmë që ky lehtësim të jetë sa më inkurajues?, ka thënë Ibrahimi, por pa saktësuar se çfarë është lehtësuar konkretisht.

Në fakt, duket se prokurorët janë të trembur, pasi jo vetëm ata, por edhe të afërm e familjarë të tyre do të jenë nën përgjim. Thënë më qartë do t ?ju kontrollohen telefonatat, sms-të, e-mailet, llogaritë bankare  si dhe rrjetet sociale.

Kështu, ngritja e SPAK-ut, duket se nuk ka trembur vetëm  politikanët dhe zyrtarët apo ish-zyrtarët e korruptuar dhe të inkriminuar, por edhe vetë prokurorë .

Kandidatë potencialë për SPAK-un, janë prokurorët aktualë të Prokurorisë për Krimet e Rënda, por nga gara nuk përjashtohen edhe prokurorët e tjerë.

Ndërkohë mësohet se gjyqtarët e Krimeve të Rënda në mënyrë unanime kanë dërguar një letër pranë KLGJ, në të cilën theksojnë se janë të gatshëm, t?ju nënshtrohen procedurave për aplikim.

Aplikimi për të qenë pjesë e SPAK-ut nuk ka kusht kalimin e Vettingut ku mund të garojnë si ata që e kanë kaluar me sukses si ata që ende s?i janë nënshtruar këtij procesi, por çdo aplikues duhet të ketë një eksperiencë jo më pak se 10 vite si prokuror./CNA.al





Lajmet e fundit nga