E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Deputeti i vezës në kryesi/ Udhëheqësi që nuk ka bërë asgjë në politikë

20 Janar 2019, 15:38, Aktualitet CNA

Një ditë më parë Partia Demokratike ka zgjedhur strukturat drejtuese.

Surprizat kanë qenë të shumta, pasi në udhëheqje të PD janë zgjedhur edhe njerëz anonim, siç është rasti i deputetit Endri Hasa.

Në një vit e gjysmë deputet, i vetmi akt i Endri Hasës është shfaqja e tij në Kuvend si rrugaç duke qëlluar kryeministrin Edi Rama me vezë dhe atë se bëri taman.

Ka qenë ky veprim i tij që qytetarët të dinin se ekziston dhe një deputet i PD ?së, me emrin Endri Hasa.

Por, duket se vezët i kanë sjellë fat deputetit në fjalë.

Shumë personalitet të tjera, brenda PD -së nuk fituan dot. Anëtarë kryesie në PD, mund të bëhesh me PD, vetëm nëse qëllon Ramën me vezë dhe pse intelektualisht mund të jesh shumë më lart, por nuk zgjidhesh dot, ashtu si Luçiano Boçi, apo Aldo Bumçi.

Aksion të fortë politik ndaj Qeverisë bëri Ervin Salianji, i cili nuk fitoi, por fitoi Endri që gjuajti Ramën me vezë.

Është dhe Klevis Balliu, i cili ka dy muaj që qëndron në Unazën e Re të Tiranës dhe proteston me banorët. Balliun e kemi çdo ditë në televizor, duke kërcënuar Ramën, por nuk fitoi.

Ka edhe shumë personazhe të tjera atje, me apo pa vlerë politike, me apo pa vlerë intelektuale se sa Endri Hasa, por nuk fituan.

Ky është rasti kur në PD bën karrierë politike duke ndenjur kot e duke i rënë Ramës me vezë dhe s?ka nevojë të dalësh përditë e të bësh beteja, se nuk fiton dot në kryesi.

Tani Endri Hasës ose ia kanë manipuluar votat dhe e kanë shpallur fitues, ose nuk njohin vlerat në Këshillin Kombëtar të PD ?së, për personat të cilët do t?i zgjedhin t?i përfaqësojnë në kryesi, për të marrë vendimet politike të partisë.

Sepse ,Endri Hasa nuk është ndonjë personazh, që ka kaq personalitet politik apo ndonjë intelektual me kaq vlera. Nëse do të ishte për njohje të partisë dhe për marrëdhënie ndërkombëtare është Genc Poll, për aksion qytetar dhe përplasje është Salianji, për qytetari e sjellje të mirë politike dhe reputacion janë Aldo Bumçi apo Luçiano Boçi. Këta nuk fitojnë , fiton Endri Hasa. Fitojnë Enno Bozdo e Bardh Kadilli, që janë dy nga figura të braktisura nga demokratët.

Ka fituar vetë Endri apo e ka nxjerrë Jemini, kjo është diçka tjetër, por PD me zgjedhjen e Endri Hasës në kryesi në Këshillin Kombëtar, dha vetëm një leksion se në PD bëhesh udhëheqës po gjuajte me vezë Ramën./CNA.al

Qëlloi Ramën me vezë/ Balla paralajmëron kallëzim penal ndaj Hasës

Hasa zhvesh Bashën nga përgjegjësia/ Vezët mi dhanë studentet

Ekskluzive/ Zbulohet pularia që i dha vezët Lulit