E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

“Internimi” i Çelës dhe Hajdarmatajt/ KLP “shuplakë” Arta Markut

21 Janar 2019, 10:36, Aktualitet CNA

KLP ka vlerësuar sot, rastin e dy prokurorëve Besim Hajdarmataj dhe Olsian Çela, të cilët, pas vendimit të Gjykatës Administrative kërkojnë rikthimin tek Prokuroria e Krimeve të Rënda.

Sipas KLP, për dy prokurorët ka mbaruar afati i tretë caktimit të përkohshëm dhe se asnjë prokuror nuk mund të transferohet pa pëlqimin e tij.

Gjithashtu KLP ka nënvizuar se nuk ka asnjë rrethanë për transferim pa pëlqim edhe në rastet kur vendi është i lirë më shumë se 3 muaj.

Këshilli i zhvillimit të karrierës pranë KLP ka çmuar, që prokurorët duhet të qëndrojnë në prokurorinë e Krimeve të Rënda.

“Transferimi pa pëlqim është në të gjitha ato raste kur vendi është i lirë më shumë sesa 3 muaj dhe nuk ka asnjë prokuror tjetër që të shkojë në këto dy prokurori. Këshilli është i detyruar të caktojë prokurorë nga prokuroritë me kërkesë më të ulët dhe magjistratin me eksperiencë më të ulët në këtë prokurori që ka ngarkesën më të ulët.

Rasti tjetër i parashikuar nga neni 59 përcakton që pozicioni duhet të jetë përkohësisht maksimumi deri në tre muaj i lirë dhe në këtë rast përsëri KLP mund të caktojë papëlqim.Meqenëse si prokuroria e Beratit dhe ajo e Pogradecit nuk janë raste kur pozicioni është i lirë deri në tre muaj dhe prokurorët Olsian Çela dhe Besim Hajdarmataj nuk kanë dhënë pëlqimin e tyre për tu caktuar në prokurori ne kemi çmuar që këto caktime të përkohshme duhet të ndërpriten dhe prokurorët të kthehen në pozicionet e tyre ku janë të emëruar pranë Prokurorisë së Krimeve të Rënda”, thuhet në qëndrimin Këshilli i zhvillimit të karrierës.

Por, ky qëndrim, është shoqëruar me diskutime nga anëtarë të caktuar.

Anëtari Nurihan Seiti ka kërkuar që më parë të presin vendimin e Gjykatës së Apelit.

?Dinjiteti jonë është të presim Gjykatën e Apelit.Për këta dy magjistratë nuk mohohet asnjë e drejtë e tyre për të aplikuar te SPAK-u, po të duan për Prokuror të Përgjithshëm, për të aplikuar në të gjithë territorin e Shqipërisë si titullarë.Por çështja që është në Gjykatë Administrative nuk mund të trajtohet nga KLP. Nuk bëjmë dot interpretime të një vendimi që nuk ka marrë formën e prerë. Nuk mund të marrim kompetencën e gjykatës.Pa u shteruar rrugët ligjore ne nuk kemi punë me kërkesën”, ka thënë Seiti.

Ndërsa prokurori Bujar Sheshi ka thënë se kur mbaron afati 3 mujor, KLP duhet të zgjidhë ngërçin ku do të punojnë këta 2 prokurorë.

Olsian Çela dhe Besim Hajdarmataj pas përplasjes për dosjen ?Shullazi?, në muajin shtator të vitit të kaluar u ?internuan? në Berat e Pogradec.

Ata proceduan me padi gjyqësore nga Prokurores së Përgjithshme të përkohshme dhe fituan, pasi gjykata shpalli të paligjshëm urdhërat e Arta Markut.

Vendimi për Besim Hajdarmataj është dhënë nga gjyqtari Avni Sejdi, ndërsa gjyqtarja Afërdita Maho ka dhënë vendimin për Olsian Çelën.

Bashkë me Çelën dhe Hajdarmataj u ?internua? dhe prokurorja Sonila Muhametaj, por ketë të fundit, KLP e ktheu në Prokurorinë e Tiranës, ndërsa ende nuk dihet se çfarë ka ndodhur me padinë e saj ndaj Arta Markut.

Prokurorët në fjalë u transferuan pasi u konsiderua ?rebelët? me peretendimin se refuzuan të të përfaqësojnë prokurorinë në procesin ndaj Emiliano Shullazit./CNA.al