Kongresi i Lushnjes/ 99 vjet më parë u hodhën bazat e shtetit modern shqiptar

21 Janar 2019, 11:36, Aktualitet CNA

Sot shënohet 99-vjetori i Kongresit të Lushnjes.

Kongresi i Lushnjës hapi punimet në 23 janar të vitit 1920 , në të cilin u miratua një akt kushtetues për pavarësinë e plotë të Shqipërisë.

Gjatë ditëve të punimeve Kongresi zgjodhi këshillin e lartë prej 4 vetash, që do të kryente funksionet e kryetarit të shtetit dhe një këshill kombëtar me 37 veta. Kryeministër u zgjodh Sulejman Delvina.

Ditën e sotme, pushteti lokal në Lushnje, ka organizuar një sërë aktivitetesh, teksa të pranishëm kanë qenë kryetari i Kuvendit Gramoz Ruçi dhe zëvendëskryeministri Erjon Braçe.

Kongresi që vendosi themelet e shtetit modern

Kongresi, u mbajt në shtëpinë e patriotit lushnjar Kaso Fuga dhe aty morën pjesë delegatë të zgjedhur nga e gjithë Shqipëria. Qëllimi i të cilëve ishte studimi i situatës së brendëshme e të jashtëme të vendit dhe masat që duhet të merreshin për shpëtimin e Shqipërisë.

Këtë mbledhje e hapi Ferit Vokopola që ishte përfaqsues i Prefekturës së Beratit, Lushnjes dhe Skraparit, i cili i uroi delegatët për ardhgjen e tyre në atë kongres. Pas Vokopolës, fjalën e mori Aqif Pashë Elbasani, që asokohe nga të gjithë shqiptarët konsiderohej si një nga patriotët më të mëdhej. Aqif Pasha ju përgjigj me një fjalë të shkurtër të gjitha pyetjeve të bëra nga delegatët dhe pas kësaj mori fund ceremonia e hapjes së kongresit. Mbas ceremonisë së hapjes, u bë ndarja e deputetëve nëpër grupe (komisjone) të ndryshme, të cilat filluan nga puna menjëherë.

Zgjidhet Senati e qeveria Për këtë arsye, kongresi vendosi unanimisht rrëzimin e qeverisë së Durrësit, e njëkohësisht zgjodhi imzot Luigj Bumçin, Mehmet Konicën dhe Dr. Turtullin, si përfaqsues legjitimë të popullit shqiptar, në delegacionin e Konferencës së Paqes në Paris.

U mbajtë disa mbledhje të Kongresit të Lushnjes por në mbledhjen e katërt që u mbajt më 30 janar, kongresi zgjodhi si antarë të Këshillit të Lartë, imzot Bumçin, Aqif Pashë Elbasanin, Abdi Toptanin dhe Dr. Turtullin.

Pas kësaj u zgjodh dhe përbërja e qeverisë së re, e dalë nga ai kongres e cila kryesohej nga kryeministri Sulejman Delvina. Pas Delvinës, në atë qeveri u zgjodhën dhe Ahmet Zogu, Ministër i Brendshëm, Mehmet Konica, Ministër i Punëve të Jashtme, Hoxhë Kadria, Ministër i Drejtësisë, Ndoc Çoba, Ministër i Financave, Sotir Peci, Ministër i Arsimit, Ali Riza Kolonja, Ministër i Luftës, Eshref Frashëri, Drejtor i Përgjithshëm i Punëve Botore dhe Idhomene Kosturi, Drejtori Përgjithshëm i Postë-telegrafave.

Ndërsa në mbledhjen e pestë që u mbajt më 31 janar, kongresi zgjodhi antarët e Senatit dhe u vendos që delegatët të mos shpërndaheshin derisa qeveria të merrte në dorë frenat e shtetit.

Pas kësaj mbledhje, atë pasdreke të 31 janarit të vitit 1920-të, kongresi u dha fund punimeve të tija, duke vendosur Tiranën, për kryeqytet të Shqipërisë.

Mbajtja e Kongresit të Lushnjës, pa harruar të tjera ngjarje historike, është i rëndësishëm për faktin s ekëtu u hodhën hapat e para të shtetit modern shqiptar, që në këtë kohë duhet pranuar se po kalonte një periudhë të vështirë ekzistence duke parë edhe ngjarjet që po ndodhnin në Ballkan dhe më gjerë.

Pjesëmarrja në të e klerikëve por edhe intelektualëve myslimanë dhe të krishterë, konfirmon se feja nuk i pengoi ata të luftojnë për lirinë kombëtare. Ky fakt ilustrohet më së miri në, thënien profetike: ?Dashuria për atdheun buron nga besimi?./CNA.al