E fundit!

21:44 Politikë

Kërkesat e protestuesve/ Klosi “ia pason” opozitës: Kanë krijuar vakuum politik, qytetarët nuk përfaqësohen

Sekretari i Përgjithshëm i Partisë Socialiste, Blendi Klos...

Paditen penalisht Lulzim Basha dhe Jorida Tabaku

27 Dhjetor 2018, 13:20, Aktualitet CNA

Kryebashkiaku Erion Veliaj ka paditur për shpifje dhe shkelje për lejet e ndërtimit kreun e Partisë Demokratike, Lulzim Bashën dhe nënkryetaren e Komisionit të Ekonomisë, Jorida Tabakun, të cilët në atë periudhë mbanin postet e kryetarit dhe nënkryetarës në Bashkinë e Tiranës.

Velaij ka paditur për shpifje si kryetarin e PD, Lulzim Basha, ashtu edhe deputeten e PD, Jorida Tabaku, për akuzat e bëra nga ta lidhur me devijimin e rrjedhës së lumit të Lanës dhe projektit të Unazës së Re. Kreu i Bashkisë së Tiranës thekson se këto akuza janë të pavërtet dhe pa asnjë provë shkruan gazeta Tema.

Në padinë e bërë nga Veliaj, kërkohet që të paditurit të shpërblejnë dëmin jo pasuror shkaktuar ndaj tij me deklaratat publike të ditëve të fundit në shumën 100.000 mijë lekë, si dhe shpenzimet gjyqësore dhe ato avokatore.

Ndërkohë, Bashkia ka përgenjështruar disa herë deklaratat e dy demokratëve në lidhje me projektin e Unazës dhe devijimin e Lanës, si edhe ka theksuar se nuk ka miratuar asnjë leje ndërtimi në atë zonë.

?E paditura ka shpifur publikisht kur deklaron ngjarje dhe fakte tërësisht të pavërteta. Nga momenti i deklarimeve publike të së paditurës dhe deri më datën që po depozitohet kjo kërkesë padi, nga Bashkia e Tiranës dhe paditësi, kryetari i Bashkisë, Erion Veliaj nuk ka dhe nuk është miratuar asnjë leje ndërtimi në favor të subjektit që përfaqësohet nga zoti Edmond Bego. Ndaj deklarimet publike të të paditurës janë deklarata që bazohen në shpifje dhe fyerje të paditësit, për shkak të funksionit që ai kryen si Kryetar i Bashkisë Tiranë?, theksohet në padi. Në padinë drejtuar Gjykatës së Tiranës, Veliaj thotë se asnjë prej deklarimeve së të Tabakut nuk është i vërtetë, por këto deklarime janë të mbështetura në fakte dhe rrethana të rreme. Veliaj thekson se projekti i pretenduar, nuk është pjesë i projektit të unazës së madhe, por pjesë e zgjatimit të lumit të Lanës.

?Për sa kohë asnjë fakt nga të sipër përmendurit nuk ka dalë apo të jetë provuar, atëherë kemi të bëjmë me shpifje dhe fyerje ndaj paditësit?.-shkruhet në padi./CNA.al