Kriza ekonomike/ Deputeti zbulon çfarë ka ndodhur me buxhetin e shtetit

27 Dhjetor 2018, 12:48, Aktualitet CNA

Këshilltari për Ekonominë brenda Partisë Demokratike, Dorian Teliti, në një deklaratë nga selia e PD-së e ka quajtur dështim qeverisjen e kryeministrit Edi Rama për menazhimin e arkës së parave publike.

Sipas tij Rama është duke mbushur xhepat e oligarkëve me paratë e shoqërisë, ku veçon biznesmenin Safet Gjici, njëkohësisht kandidat i Partisë Socialiste për Kukësin.

?Qeverisja e Edi Ramës është një dështim për arkën e parave publike, por jo për xhepin e miqve, klientëve dhe atyre me të cilët Edi Rama synon të blejë zgjedhjet. Safet Gjici është njëri prej tyre.?-tha ai.

Deputeti i PD-së thekson se në 11 muaj, buxhetit të shtetit i mungojnë 122 milionë dollarë, por nga ana tjetër deklaron se miqtë e kreut të shtetit nuk janë duke e vuajtur aspak krizën e konomike.

?Në 11 muaj, dështimi në mbledhjen e të ardhurave është spektakolar. Buxhetit të shtetit i mungojnë 122 milionë dollarë, dëshmi kjo e krizës ekonomike të familjeve shqiptare dhe e abuzimeve korruptive në tatime dhe dogana.

Por klientët me të cilët Rama mban pushtetin, nuk e ndjejnë krizën, sepse paratë që duhet të shkonin, përshembull për të financuar studimet dhe jetesën e studentëve në varfëri ekstreme ekonomike, i merr Safet Gjici, kandidati i përhershëm i Edi Ramës për Kukësin.?-vijon ai.

Deputeti demokrat skuzon Kryeministrin se me aktin e fshehtë normativ ka shkurtuar investimet në arsim dhe i ka dhënë Safet Gjicit 1.5 milionë dollarë për një kontratë që ky i fundit ka lidhur me kompaninë ?Kevin Constrution?.

?Me aktin e fshehtë normativ, Edi Rama i ka shkurtuar investimet në arsim, por i ka dhënë Safet Gjicit 1.5 milionë dollarë për një punë, për të cilën ai nuk ka lidhur kontratë me qeverinë, por me Universitetin e Durrësit.

Nëpërmjet kompanisë ?Kevin Construction?, Safet Gjici ka lidhur kontratë prej 5 milionë dollarë me këtë universitet, i cili, sipas dokumentave të tenderit, duhej të financohej plotësisht nga të ardhurat e vetë Universitetit.?-u shpreh ai.

Ndër të tjera deputeti Dorian Teliti ka deklaruar se në vetëm pesë vite qeverisëje Rama i ka dhënë Safet Gjicit plot 30 milionë dollarë.

?Në 5 vitet e qeverisjes së Edi Ramës Safet Gjici ka marrë rreth 30 milionë dollarë tendera, shumicën e të cilëve pa garë apo me garë fiktive. 30 milionë dollarë janë të mjaftueshme për të nisur ngritjen e një infrastrukture moderne, me auditorë, biblioteka dhe pajisje laboratorike për të gjithë universitetet e vendit.

Qeveria ka detyrimin të përgjigjet sot përse, mes dhjetëra projekteve të tjera, ka përzgjedhur të financojë me 1.5 milionë dollarë vetëm kompaninë e Safet Gjicit, kandidatit të tij për Kukësin.?-mbylli deklaratën për mediat deputeti demokrat./CNA.al