E fundit!

22:40 Politikë

Balla për protestën: Sot aty kanë mbetur “sorrat”, qytetarët meritojnë dialogun

Kryetari i Grupit Parlamentar të Partisë Socialiste, Taula...

Protesta që po tmerron kryeministrin

27 Dhjetor 2018, 10:51, Aktualitet CNA

Ndodh në Shqipërinë tonë, ku një emigrant i cili shpesh publikon meme në rrjetet sociale, i vetëm me një lëvizje të tmerrojë kryeministrin, dhe të lerë më ?gisht në gojë? opozitën.

Genc Sejko, i mbështetur nga qindra qytetarë, njoftoi pak kohë më parë një iniciative, duke shfrytëzuar edhe vizitat e emigrantëve në Shqipëri më rastin e festive të fundvitit.

Sejko, njoftoi një protestë 3-ditore, e cila kishte oraret dhe itinerarin e përcaktuar. Gjithçka në rrugë ligjore dhe në fund një akt formal njoftimi i policisë. Këtu ndodh edhe problemi, qytetarëve nuk ju jepet leja për të zhvilluar një protestë paqësore, aq më sinjifikative është kur iniciatorët janë emigrantë që nuk lejohen të protestojnë në vendin e tyre.

Por kush është trembur kaq shumë sa nuk lejon një protestë të tillë?

Kush tjetër veçse atij që jep lejen dhe në fakt është kryepolic, kryeministër dhe kryekomandanti suprem i Shqipërisë, i cili ka vënë nën thundër jo vetëm PS-në dhe qeverisjen e vendit, por edhe opozitën dhe segmentet e tjera të politikës.

Aksioni i iniciuar nga Sejko dhe qindra qytetarë që ju bashkëngjitën duket se vërtet ka tmerruar kryeministrin tonë arrogant dhe hundë gjatë.

Kryeministri ka informacione që ne nuk i kemi, por me aktin e vartësave të tij kuptohet lehtësisht se pritet një protestë shumë e madhe që mund t?i trondisë themelet qeverisë. Studentët ikën me pushime dhe ai po përpiqet të kontrrollojë një rikthim të tyre në rrugë, ndërsa përballë i del një ?uragan? qytetar që ka brenda studentët dhe gjithë shqiptarët brenda dhe jashtë vendit. Dhe Edi Rama nuk mund të pranojë një protestë jashtë kontrollit, nuk mërzitet vetëm ai, por edhe ortaku i tij Lulzim Basha dhe vasali i tij Ilir Meta. Ata të tre janë sistemi i kalbur dhe nuk mund të pranojnë shembjen e tij.

Prandaj ka edhe tmerr dhe panik që qytetarët të vetë organizuar mos protestojnë pasi do duket qartë se ata janë shumica e vërtetë dhe jo segmentet e politikës.

Kjo frikë duket dhe lexohet lehtësisht, por vështirë se mund ta ndalin megjithëse do padisin penalisht Genc Sejkon apo Altin Goxhajn e ndonjë tjetër. Askush nuk mund ti ndalojë të protestojnë paqësisht edhe pse mund të thotë se nuk e ndalojnë për frikë, por për mos krijuar kaos në Tiranë.

Ai që nuk ka frikë nuk ndalon protestën, por e pret dhe mëson prej saj. Këtë herë nuk ka pazar, as Lulzim e as Meta, janë qytetarët përballë me të drejtën e tyre për të reaguar ndaj padrejtësive dhe kjo e tremb më shumë se çdo gjë kryeministrin tonë tashmë të llaftarisur./ CNA.al