web counter
LEXO PA REKLAMA!

SHKARKO APP

App Store
Google Play

Ekzekutimi i 17-vjeçares në Laprakë/ Zbardhen të tjera detaje

27 Dhjetor 2018, 07:28, Aktualitet CNA

Të tjera detaje kanë dalë në dritë në lidhje me ngjarjen e rëndë që tronditi Tiranën mbrëmjen e djeshme, ku 17-vjeçarja Briselda Gjikolaj mbeti e vrarë, ndërsa u plagos i dashuri i saj, Erion Benga, 23-vjeç.

Report TV raporton se Erion Benga ka qenë në një lokal me të miturën dhe një vajzë tjetër te blloku “Gintash”. Të njëjtat burime saktësojnë se në të njëjtin lokal kanë qenë të pranishëm edhe dy autorët. Këta të fundit dyshohet se kanë ngacmuar vajzat në tavolinën e Bengës çka ka acaruar tonet mes të rinjve të cilët edhe kanë debatuar me njëri-tjetrin.

Erion Benga largohet më pas nga lokali i shoqëruar nga dy vajzat. Menjëherë pas tyre kanë dalë nga lokali edhe dy autorët duke i ndjekur nga pas. Pasi Benga dhe e dashura e tij po ecnin në drejtim të rrugice të errët, një prej autorëve i cili dyshohet se është me origjinë nga Puka, ka hapur zjarr në drejtim të Erion Bengës dhe Briselda Gjikolajt, duke lënë të vdekur këtë të fundit e cila ka marrë një plumb në kokë, ndërsa 23-vjeçari mbeti i plagosur dhe ndodhet jashtë rrezikut për jetën. Deri tani nuk ka asnjë person të ndaluar për këtë ngjarje. Banorët e zonës janë shprehur se kanë dëgjuar të shtënat e armës së zjarrit (më shumë se katër), ndërsa autorët janë larguar me shpejtësi duke humbur gjurmët.





Lajmet e fundit nga