web counter
LEXO PA REKLAMA!

SHKARKO APP

App Store
Google Play

Protesta e diasporës/ Balla kërkon  ftesë për të marrë pjesë

27 Dhjetor 2018, 13:01, Aktualitet CNA

Kryetari i Grupit Parlamentar i Partisë Socialiste, Taulant Balla ka folur para mediave për qëndrimin e tij dhe të PS-së ndaj protestë së diasporë, e cila është paralajmëruar se do zhvillohet nesër.

Balla deklaroi se nëse do ishin ftuar, socialistët do bashkoheshin me protestën e emigrantëve, pasi sipas deputetit u dashka të të ftojnë që të marrësh pjesë në protesta ku kërkohet e drejta e qytetarëve.

?Nëse do ishim ftuar, edhe ne do ishim pjesë e protestës së diasporës. E dimë që Shqipëria i ka një borxh gjithë shqiptarëve që jetojnë në çdo cep të territorit dhe në këto vite janë kontributor i ekonomisë së vendit.?-tha ai.

Ndër të tjera deputeti socialist theksoi se e drejta e votës për emigrantët është kërkuar nga PS-ja që në kohën kur ajo ndodhej në opozitë, duke shtuar edhe se në senacën tjetër të bëhej e mundur votimi i kësaj  reforme.

?Për PS e drejta e votës, për ata që jetojnë jashtë territorit, ka qenë kushti i vetëm që i kemi kërkuar palës tjetër dhe e kemi bërë edhe këtë kur kemi qenë në opozitë, për të përfshirë në kodin e ri zgjedhor votën e shqiptarëve. Edhe në thirrjen e fundit që bëra ne emër të PS në dy seancat e fundit të Kuvendit, është që të mblidhemi e të votojmë bashkë me opozitën Kodin Zgjedhor që adreson më së miri zgjidhjen.

Ndaj në seancë tjetër të mblidhemi dhe të votojmë për këtë reformë. Këta që u merakosën kaq shumë për protestën e diasporës, duhet të bëhen bashkë me ne që të plotësojmë kërkesat e diasporës. Procesi ka qenë i vijueshëm prej kohësh me opozitën.?- u shpreh Balla./CNA.al





Lajmet e fundit nga