web counter
LEXO PA REKLAMA!

SHKARKO APP

App Store
Google Play

Pse prokuroria nuk heton Edmond Spahon për 1 milionë dollarë piktura?!

27 Dhjetor 2018, 12:31, Aktualitet CNA

Rreth pesë ditë më parë, CNA.al në një shkrim denoncoi pasurinë miliona dollarë që zotëron kreu i grupit parlamentar të PD, Edmond Spaho.

Në shkrimin e publikuar nga CNA.al në datën 23 dhjetor, ndër të tjera thuhet se një pjesë e pasurive të Spahos, që përmblidhte që nga banesa e përfituar nga Enti i Banesave, vila në Golem etj etj, mësohet se deputeti i PD, në bazë të deklaratave të tij (deklaratat) ka trashëguar së fundi nga babai rreth 40 piktura, asnjëra prej tyre, sipas deklaratës të vitit 2016, nuk e kalon vlerën 20 mijë lekë të reja.

Në po të njëjtën deklaratë Spaho thekson se ka përfituar edhe një shtëpi 64 m2 nga babai.

Në fakt në një shtëpi me këtë sipërfaqe, sikur në 2 apo 3 rrjeshta ti vendoste pikturat  Spaho vështirë se i sistemonte dot, pasi për t?ja dale mbanë, ato duhet të ishin ose në ndonjë kuti ose me madhësi sa një fletë A4. Ç?ka nënkupton se origjina e pikturave është mjaft e dyshimtë.

Por, edhe pse denoncimi është bërë prej pesë ditësh, nga ana e prokurorisë nuk ka ende asnjë reagim.

Minimalisht pas këtij denoncimi prokuroria duhej të niste hetimet kryesisht në lidhje me pasurinë e Edmond Spahos dhe pikturat e tij.

Sa më shumë vonon hetimi i prokurorisë, aq më shpejt zhduken gjurmët për një pasuri marramendëse.

Elisabeta Imeraj dhe Arta Marku nuk mund të bëhen avokate dhe të fshehin pasuritë e çmendura të politikanëve.

Mosveprimi i prokurorisë i shndërron ato në avokate të politikanëve, që mbrojnë ministrat hajdutë të qeverisë dhe ortakët e Ramës në opozitë. Edmond Spaho është rasti më domethënës./ CNA.al

Edmond Spaho fsheh mbi një milionë dollarë piktura?!

Edmond Spaho, kërmilli që fsheh pasuri marramendëse





Lajmet e fundit nga