web counter
LEXO PA REKLAMA!

SHKARKO APP

App Store
Google Play

Gjici i kundërpëgjigjet PD-së/ Kërcënon me padi

27 Dhjetor 2018, 13:36, Aktualitet CNA

Ish-kandidati i Partisë Socialiste për Kamzën, Safet Gjici i ka cilësuar mashtrime deklaratat e deputetit të Partisë Demokratike, Dorian Telitit, në lidhje me përfitimin e 1.5 milionë dollarëve në vit për një kontratë me kompaninë ?Kevin Construction?, tender për Universitetit të Durrësit

Në një njoftim për mediat, Gjici thekson se prej vitesh nuk administron asnjëlloj biznesi, ndaj nuk ka si të marrë tendera.

?Megafoni i opozitës së dështuar dhe të shkërmoqur, foli sërish!

Nuk çuditem, por mëshiroj çdo kënd, i cili nuk informohet, apo nuk do ta bëjë një gjë të tillë.

E kam thënë e rithënë: Prej vitesh nuk administroj asnjë biznes, jo më të përfitoj tendera. Kjo është lehtësisht e verifikueshme!?-shkruhet aty.

Më tej në njoftim, ai thekson se tenderi për Universitetin e Durrësit është realizuar në vitin 2013, periudhë kur në qeveri ishte PD-ja, duke theksuar edhe se kompania që ai administronte në atë kohë nuk është paguar ende për punën e bërë.

?Sot, u akuzova, se kam përfituar tenderin për Universitetin e Durrësit. Gënjeshtër fund e krye.

Tenderi për godinën e Universitetit, është realizuar në fillim të vitit 2013, kur në qeveri ishte Partia Demokratike! Madje, kompania që unë administroja dikur, nuk ka marë ende as paratë e punës së bërë.?-vijon ai më tej

Në fund të njoftimit, socialisti kërkon nga deputeti Teliti, të cilin e quan megafoni i djegur i PD-së të vërtetojë këto deklarata ose në të kundërt do e çoj në gjyq.

?U tha, se kam përfituar 30 milionë dollarë tendera!!!

Megafoni i djegur i PD-së, ti vërtetojë, pasi në të kundërt, do shihemi në gjyq!

Kam vetëm një përgjigje për opozitën e rrjepur e shkërmoqur: Ethet e humbjes u kanë nisur!?-mbyllet njoftimi për mediat i Safet Gjicit./CNA.al

https://www.cna.al/2018/12/27/kriza-ekonomike-deputeti-zbulon-cfare-ka-ndodhur-me-buxhetin-e-shtetit/





Lajmet e fundit nga