Për Arjan Çanin dhe Lulzim Durimmadhin

5 Nëntor 2018, 15:54, Aktualitet CNA

Kryetari i PD-së Lulzim Basha në fundjavë u shfaq në studion e Arjan Çanit, në Tv Klan.

Në emisionin Zonën e Lirë, në fakt Basha dukej si peng dhe se ishte më frustruar se kurrë më parë.

Por përtej parapërgatitjes dhe skenarit që dihej Çani pranoi të bënte dhe pyetje, që përgjigjet dihen, por në fakt Lulzim Basha kërkon ti shesë ndryshe.

Çani e pyeti Bashës sesi duron ai për goditjet që merrte poshtë brezit dhe si kishte mundësi që ishte kaq i qetë?

Përgjigja e Bashës ishte gënjeshtra e radhës sepse dhe vetë pyetja ishte ndërtuar së prapthi.

Së pari Lulzim Basha nuk është aspak i duruar dhe i qetë. Përtej buzëqeshjes së tij në publik qëndron hakmarrja, gënjeshtra dhe pabesia e një njeriu pa limite.

Për më tepër ai godet poshtë brezit, por si frikacak fshihet.

Së pari, a nuk ishte Lulzim Basha që hoqi nga lista elitën e PD-së, dhe sot ka frikë t’ju përmendë emrin dhe ju lutet aman hajdeni, pasi ngeli si peshku pa ujë.

Ai i përjashtoi dhe i goditi pas shpine vetëm sepse i flisin e kritikonin i jepnin mendime për idiotësitë e aksionit të tij politik.

Pse durim është të heqësh njerzit që të japin mendime dhe kritika?

Nga ana tjetër Basha ndërtoi në PD një bandë sharësish me pagesë që i paguante si skllevër me gjysmë page vetëm të shanin kritikët e tij?

Po a nuk është Basha, ai që sulmon çdo kundërshtar që publikon të vërtetat e tij dhe të familjes së tij? Nuk është ky që bëri marrëveshje me Ramën e tradhtoi demokratët?

Nuk është Luli i financimeve ruse që sa herë ja përmendin nxihet e bërtet? Kush është Luli e dinë të gjithë në PD edhe bashkëpunëtorët e tij më të ngushtë, por për i duruar jo e jo, për gënjeshtar nuk ka asnjë diskutim, në qoftë se mashtrimi dhe pabesia quhen vlera ai është kampioni.

Nga e gjithë kjo histori të kujtohet skeçi i estradës së Shkodrës me të madhin Tani Banushi, mos harroni dhe Cen Durimmadhi në atë skeç. Por Luli nuk është i tillë, Luli është mediokër dhe hakmarrës që kërkon të ngeje imazhin e tij, si lider por në fakt ka katandisur në vegël e bizneseve të familjes dhe peng i Edi Ramës.

Luli nuk është Durimmadhi , por gënjeshtar madhi apo i paaftë i madh?/ CNA.al