E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Plas qelbi në FSHZH/ Korrupsion me tenderin e rrugës së Lumit të Vlorës, zbulohet skema

5 Nëntor 2018, 13:51, Aktualitet CNA

Korrupsioni në institucionet shqiptare tashmë bëhet hapur. FSHZH është rasti më klasik sesi abuzohet me fondet e donatorëve, duke u fshehur gjoja pas proçedurave për të bërë të mundur që fitues të shpallet ai për të cilin është dhënë urdheri apo që ka lyer rrotën e zyrtarëve të institucionit.

CAN.al një vit më parë denoncoi se megjithëse ishte shpallur një garë, fituesi ishte vendosur, tenderin do e fitonte një firmë e huaj, ndërsa për lotin tjetër një shqiptare.

Në fakt sot ndodhi thjesht akti final kur FSHZH duke u përpëlitur pas proçedurave të donatorëve bëri skandalin e rradhës, hapi vetëm ofertat teknike dhe jo ato financiare, ndërkohë që kishte zhvilluar më parë një proçedure parakualifikuese.

Fondi për Zhvillimin e Rajoneve, në bazë të procedurës ligjore, sot në mesditë duhej të hapë ofertat për kompanitë e parakualifikuara për tenderin e rrugës së Lumit të Vlorës, një fond me vlerë 130 milion euro. Por, ofertat nuk u hapën, duke ngritur dyshime se një skenar korruptiv po luhet ne zyrat e drejtuesve të institucionit.

I kontaktuar nga CNA.al, nëndrejtori i FSHZH-së, Tritan Brahimaj tha se nuk do të shpalleshin sot fituesit dhe do të shikohen vetëm ofertat teknike. Sipas tij, proçedura që do të bëhej është vetëm hapja e ofertave teknike. Më pas këto do t?i çohen donatorëve dhe më pas do të hapen ofertat financiare. Kjo është procedura që do të ndjekin, konfirmoi Brahimaj për CNA.al, duke pranuar denoncimin e CNA-së dhe duke pranuar që në FSHZH po zhvillohet një aferë e pastër korruptive.

FSHZH sot faktoi atë që CNA.al ka shkruar një vit më parë për tenderin e Lumit të Vlorës, thjesht sot i vuri vulën me proçedurë dhe kërkoi të justifikohej. Në fakt çdo justifikim thjesht fut më thellë në qorr sokak drejtuesit, të cilët po përpiqen të manipulojnë një proçedurë për të shpallur fitues të paravendosurin.

Ky është rasti kur prokuroria e ka skandalin në dorë dhe minimalist duhet të hapen hetimet. Duhet të kontrollohet se si po abuzohet nën petkun procedurial duke u justifikuar me donatorët për ta manipubluar më shumë se një tender./ CNA.al

Skandal në FSHZH/ Korrupsion me tenderin 130 milion euro?

FSHZH mbytet nga korrupsioni/ Nëndrejtori justifikon abuzimin

Skandali në FSHZH/ Paravendoset fituesi i tenderit 45 milionë euro për rrugën e Lumit të Vlorës