web counter
LEXO PA REKLAMA!

SHKARKO APP

App Store
Google Play

Rama merr drejtimin e Ministrisë së Brendshme/ Zbulohet kë mbron kryeminstri

5 Nëntor 2018, 14:08, Aktualitet CNA

Partia Demokratike ka reaguar pas vendimit të kryeministrit Edi Rama për të komanduar në postin e ministrit të Brendshëm, Sandër Lleshin.

Në një deklaratë për mediat, Partia Demokratike deklaron se Rama de fakto ka marrë nën kontroll Ministrinë e Brendshme.

Selia blu shprehet se këmbëngulja e Ramës tregon se i duhet një kukull në atë post për ta kontrolluar për të mbrojtur veten, Dakon, Ballën, Gjiknurin dhe Ahmetajn.

Deklarata e plotë e PD:

Këmbëngulja e Edi Ramës për emërimin e Sandër Lleshit në drejtimin e Ministrisë së Brendshme, konfirmon qëndrimin e opozitës se Rama e ka jetike kontrollin e plotë të Ministrisë së Brendshme.

Duke qenë vetë de facto Ministër i Brendshëm, Edi Rama ka më shumë mjete për të mbrojtur Olsi Ramën, Vangjush Dakon, Taulant Ballën, Damian Gjiknurin, Arben Ahmetaj dhe këdo tjetër anëtar të bandës së tij në pushtet.

Emërimi i figurës më të papërshtatshme për të drejtuar Ministrinë e Brendshme provon që Edi Ramës nuk i intereson lufta kundër krimit të organizuar, por mbrojtja e tij me çdo çmim.

Është fakt që deri më sot asnjë emërtesë e Edi Ramës në krye të Ministrisë së Brendshme nuk  e ka luftuar krimin e organizuar, por ka bashkëpunuar dhe e ka mbrojtur atë me porosi direkte të Edi Ramës.

Edi Rama nuk mund ta luftojë Edi Ramën, prandaj i duhet një kukull si Sandër Lleshi për të mbrojtur veten dhe për t?i siguruar  paprekshmëri krimit.





Lajmet e fundit nga