web counter
LEXO PA REKLAMA!

SHKARKO APP

App Store
Google Play

Një kërkesë Edi Ramës/ Shpëto ministrin Niko Peleshi

5 Nëntor 2018, 15:35, Aktualitet CNA

Ministri i Bujqësisë Niko Peleshi ditët e fundit ka dhënë një intervistë për televizionin lokal ?Vizion plus?.

Niko nga dëshira për të treguar ndryshimet në Korçë, ka bërë një deklaratë lokaliste.

Sipas tij ai qëndronte në Tiranë vetëm sepse ishte ministër dhe sa të linte detyrën do kthehej për të jetuar në Korçë. Ndoshta qyteti më i jetueshëm në Shqipëri, ku Niko kalon kohë me Vaskë Berberin, gazetarin Tonin Frroku, ndonjëherë i qaset dhe Muharrem Meko, të shkojë në Tucka, apo pjesën tjetër më socialistët, rilindësit dhe miqtë e tij tek pazari i ri, Boboshticë apo Zicisht.

Këto të gjitha ja ka hequr Rama dhe i ka vënë një barë shumë të madhe Nikos, mikut të tij që kaq shumë do të jetojë në Korçë dhe po sakrifikon për qeverinë dhe popullin tonë fermer që ka nën hyqëm.

Ndoshta kryeministri duhet të bëjë një sakrificë dhe të na e ndihmojë dhe lirojë Nikon nga përgjegjësia që i ka vënë mbi supe. Duke e hequr nga Ministër i Bujqësisë, do kthehej tek miqtë dhe aventurat e tij në Korçë, do punonte më shumë për Rilindjen, do kishte kohë ti binte dhe kitarës, do priste e përcillte më shumë miq nga Tirana.

Prandaj i lutemi kryeministrit ta dëgjojë kërkesën tonë dhe ta heqë Nikon nga ministër në Tiranë që të jetojë i qetë në Korçë me miqtë e tij.

Kështu edhe liron një post ministror dhe kënaq ndonjë të mërzitur në parti, por na e bën edhe të lumtur Nikon që po vuan ditë të zeza si ministër./ CNA.al

 





Lajmet e fundit nga