web counter
LEXO PA REKLAMA!

SHKARKO APP

App Store
Google Play

E fundit!

x

Pa reformë zgjedhore, s’ka negociata me BE-në

4 Shtator 2018, 07:17, Aktualitet CNA

Kryetari i partisë Zgjidhja, Koço Kokëdhima ka reaguar pasi kreu i Komisionit për BE-në në Bundestagun gjerman, Gunther Krichbaum, i cili tha dje se ?Negociatat mund të fillojnë vetëm pasi Shqipëria të ketë kryer reformat e nevojshme. Këtu duhet të përmendim krahas verifikimit të plotë të gjyqtarëve dhe prokurorëve, edhe Reformën Zgjedhore, e cila është po aq e rëndësishme edhe për OSBE-në. Nëse zgjedhjet vendore të vitit 2019 do të zhvillohen sipas ligjit të vjetër zgjedhor, nuk shoh ndonjë shans real për hapjen e negociatave për anëtarësim në 2019?.
Në një postim në rrjetet sociale, Kokëdhima shkruan se pa reformë zgjedhore, nuk ka negociata me BE-në.

Gjithashtu ai e falenderon deputetin gjerman për qëndrimin pa ekuivok për një reformë të vërtetë zgjedhore në Shqipëri.

Ndërsa më tej ai thekson se ?Rilindja dhe SHQUP-i duan ta bëjnë këtë reformë sa për sy e faqe, që të ruajnë dominimin e tyre politik mbi procesin zgjedhor.?

Deklarata e plotë:

Koço Kokêdhima

Kreu i Komisionit për BE-në në Bundestagun gjerman, Gunther Krichbaum, deklaroi se sheh pak përparim sa u takon kushteve që Shqipëria duhet të plotësojë për çeljen e negociatave me BE-në. ?Negociatat mund të fillojnë vetëm pasi Shqipëria të ketë kryer reformat e nevojshme. Këtu duhet të përmendim krahas verifikimit të plotë të gjyqtarëve dhe prokurorëve, edhe Reformën Zgjedhore, e cila është po aq e rëndësishme edhe për OSBE-në. Nëse zgjedhjet vendore të vitit 2019 do të zhvillohen sipas ligjit të vjetër zgjedhor, nuk shoh ndonjë shans real për hapjen e negociatave për anëtarësim në 2019?.

ZGJIDHJA e falenderon deputetin gjerman për qëndrimin pa ekuivok për një reformë të vërtetë zgjedhore në Shqipëri.
Qeveria shqiptare nuk mund të shmanget nga kushtet e vëna nga vendet anëtare të BE-së që të marrë miratimin për hapjen e negociatave qershorin e ardhshëm. Rilindja dhe SHQUP-i duan ta bëjnë këtë reformë sa për sy e faqe, që të ruajnë dominimin e tyre politik mbi procesin zgjedhor. Kryetari i Kuvendit deklaroi se reforma zgjedhore është parashikuar në axhendën parlamentare. Por axhenda e partive të vjetra është e mbrapshtë. Ato duan të shesin ca retushime në ligjin zgjedhor si reformë për zgjedhjet vendore të vitit 2019. Ato janë marrë vesh të mos e ndryshojnë Kodin Zgjedhor.
ZGJIDHJA apelon gazetarët dhe mediat e Shqipërisë, inteligjencën, partit? e reja, qytetarët e përgjegjshëm dhe përfaqësuesit e tjerë të vendeve mike që të reagojnë në bllok dhe të diktojnë një reformë zgjedhore të vërtetë dhe gjithëpërfshirëse. Vetëm kështu Shqipëria do të shpëtojë nga thonjtë e partive të vjetra. Vetëm atëhere vendi do të vijojë rrugën drejt BE-së.
Rama, Berisha e të tjerë kanë sakrifikuar interesat e larta të kombit tonë dhe perspektivën europiane të Shqipërisë duke shkatërruar zgjedhjet e lira e të barabarta dhe themelet e shtetit shqiptar. Ata nuk mund t?i reformojnë zgjedhjet sepse kur të reformohen zgjedhjet shqiptare ata do të shkojnë nëpër burgje. Do të përgjigjen përpara drejtësisë. Reformimi i vërtetë i zgjedhjeve tona do të ndodhë vetëm me imponim, me pahir, me forcë ose me presionin e koordinuar të të gjithë faktorëve të brendshëm e të jashtëm. Është koha për reagim.





Lajmet e fundit nga