web counter
LEXO PA REKLAMA!

SHKARKO APP

App Store
Google Play

E fundit!

x

Teatri Kombëtar/ Zbulohet skandali i radhës

12 Korrik 2018, 16:47, Aktualitet CNA

Deputetja e PD, Jorida Tabaku, ka zbuluar të tjera parregullsi në ligjin për prishjen e Teatrit.

Sipas të dhënave të hipotekës, rezulton se pjesë e truallit ku do të ndërtohet Teatri, janë disa familje që zotërojnë 1267 metra katrorë.

Tabaku ka sqaruar se këto familje nuk kanë firmosur asnjë kontratë shkëmbimi të pronës për ndërtim.

Deputetaja demokrate shton më tej se firma Fusha, e cila ka fituar të drejtën për ndërtimin e Teatrit të ri, po përdor shantazhin për të rrëmbyer këto prona, me ndihmën e qeverisë.

Këtu Tabaku kujton vendimin e qeverisë në 2016-ën, për të ulur vlerën e kompensimit të tokës private nga 1.2 mln lekë/metër katrorë që ishte në 2012 në 669 mijë lekë/metër katrorë.

Postimi i plotë

Përditë e më shume PD zbulon se si ligji që sapo u kalua në kuvend për prishjen e teatrit dhe ndërtimin e gjashte kullave është i mbushur me parregullsi dhe abuzime.

Sipas të dhënave prej hipotekes janë disa familje qe zotërojnë 1267 metra katrorë pronë private në atë zonë. Këto familje nuk kanë firmosur asnjë kontratë shkëmbimi të pronës për ndërtim. Mirëpo kjo nuk e pengon Fusha shpk të përdorë çdo mjet shantazhi për t?ia rrëmbyer pronën pronarëve privatë.

Në krah të saj gjatë presionit Fusha shpk ka qeverinë Rama. Kjo e fundit më vitin 2016 vendosi që të ulë vlerën e kompensimit të tokës private nga 1.2 mln lekë/metër katrorë që ishte në 2012 në 669 mijë lekë/metër katrorë.

Sot, treshja Rama-Veliaj-Fusha si barbarë të vërtetë po grabisin dhe tjetërsojnë pronën private si dhe po shkatërrojnë identitetin e qytetit. Ne nuk do të heshtim sot, do të protestojmë kundër kësaj barbarie dhe çmendurie që para një jave u ligjërua me votat e mazhorancës dhe kundër çdo ligji dhe vullneti qytetar. /CNA.al





Lajmet e fundit nga