web counter
LEXO PA REKLAMA!

SHKARKO APP

App Store
Google Play

E fundit!

x

Komisioni i Vettingut/ Basir Çollaku tregon të vërtetën tronditëse

12 Korrik 2018, 16:01, Aktualitet CNA

Gazetari Basir Çollaku ka sulmuar Komisionin e Vetingut duke e quajtur atë një farsë, pasi sipas tij sistemi është i kapur nga qeveria Rama.

Kjo deklaratë e Çollakut, publikuar në një postim në rrjetet sociale, është pasur me të tjera akuza.

Çollaku ka thënë se personat që po bëjnë përzgjedhjen e  gjyqtarëve dhe prokurorëve janë familjarë të socialistëve dhe po bëjnë përzgjedhje në favor të interesave të qeverisë.

?Farsa e vetingut.

Nëse keni të afëm që punojnë te Komisioni i Vetingut dhe arrini të flisni në mirëbesim me to, do të patakseni nga e vërteta rreth asaj çka ndodh në këte godine fasonerie.
Çdo ditë e më shumë po kuptohet qartë kapja e sistemit të drejtëisë nga ana e qeverisë Rama. Si pjesë e mekanizmit të kapjes shërben edhe procesi i vetingut. Nëpërmjet personave aspak profesional, madje të dalë nga radhët e familjeve socialiste të lidhura ngushtë me interesa me qeverinë, po bëhet seleksionimi i gjyqtarëve dhe prokurorëve. I gjithë procesi në vetvete është një farsë dhe një butafori mediatike për të justifikuar propagandën e e reformës të bërë për gjithë këto vite. Porosi partie e pastër. Farsa e komisionit të vetingut duket qartë pa shumë hamendësime dhe dyshime te vendimet që janë marrë për presonat që kanë kaluar me sukses vetingun?.

Më tej Çollaku shkruan se për të kuptuar që ky proces është një farsë mjafton të shohësh me kujdes tek   vendimet e dhëna çmimet e blerjeve të apartamenteve.

Sipas tij Komisioni i Vettingut nuk ka bërë hetime lidhur me çmimet që janë deklaruar, por në rastin më të mirë të mundshëm i ka marrë të mirëqena çmimet fiktive.

?Mjafton të lexosh me kujdes te këto vendime vetëm çmimet e blerjeve të apartamentëve. Ne të vetmin sektor ku punon partime komisioni..!! Çdo shqiptar që ka blerë një apartament në Shqipëri gjatë viteve 2000 e këtej kupton qartë se këto çmime janë fiktive dhe janë shumë larg çmimit real të blerjes. Komisioni i vettingut nuk ka parë të arsyeshme të bëjë hetime të thelluara siç thotë apo gjoja në ndonjë rast ka bërë hetim të thelluar dhe ka marrë si të vërteta çmimet fiktive të blerjeve. Pikërsisht këtu qëndron edhe standarti i shumëfishtë i komisionit të vettingut i cili mbyll një sy për këto raste dhe kalon me sukses prokurorët dhe gjyqtarët e lidhur ngushtë familjarisht, apo ideologjikisht me qeverinë. Si mundet të pranohet një kontratë me një çmim fiktiv e cila nga treguesit e tjerë duket qartë se nuk i përgjigjet realitetit. Mjafton të pyesë ekspertët që punonjë në organet e vettingut?.

Më tej Çollaku shkruan se ?Perse komisioni i vetingut nuk ka bërë hetime për të gjetur arsyen e atij çmimi?! . Pse çmimi real i tregut është dy herë apo më shumë herë më i lartë se çmimi në kontratë.?! A krijojnë këto raste dyshime për fshehje të pasurisë së deklaruar.?!

Pikërisht kalimi pa probleme në sitën e vetingut të këtyre gjyqtarëve dhe prokurorëve tregon qartë se Komisioni i vetitngut vepron me dy sita njëra me vrima të vogla dhe tjetra me vrima të mëdha, ose si njesi imobiliare e çakorduar. Ata xuken si misionarë të kenaqur të cilët nuk e zhgënjejnë partinë..Ndërsa të ashtëquajturit përfaqësuesit të ONM, gjoja nuk i kuptojnë këto raste dhe kalojnë në heshtje procesin pë personat e përzgjedhur, duke i shërbyer në këtë mënyrë jo procesit por farsës dhe propagandës së qeversisë për reformën e madhe të drejtësisë, që në thelb është një farsë dhe një mashtrim i madh publik..Aktorët dhe regjisorët nuk.janë më anonim..Ky është teatri shëtitës luajtur e financuar nga qevetia Rama?. /CNA.al





Lajmet e fundit nga