web counter
LEXO PA REKLAMA!

SHKARKO APP

App Store
Google Play

Gjyqtari Edmond Islamaj në udhëkryq/ KPA kërkon “kokën” e tij

12 Korrik 2018, 14:41, Aktualitet CNA

Komisioneri Publik ka ankimuar në Kolegjin e Posaçëm të Apelimit, vendimin për kthimin në detyrë të Edmond Islamajt, gjyqtar i Gjykatës së Lartë. Sipas hetimit të zhvilluar nga trupa gjykuese, e përbërë nga Suela Zhegu, Pamela Qirko dhe Genta Tafa, Islamaj doli i pastër në tre kriteret e përcaktuara me ligj.

Nga verifikimi i pasurisë ka rezultuar se Islamaj ka apartament banimi me sipërfaqe 81.57 m2 në Durrës, tokë arë 1000 m2 në Karpen, Kavajë, e blerë në vitin 2015. Ai gjithashtu ka një llogari bankare që prej vitit 2000, fillimisht me vlerë 5 mijë euro, ndërsa posedon edhe një  llogari bankare të krijuar në vitin 2016 me gjendje 20 mijë euro.

Përpos këtyre, Islamaj rezulton se ka një autoveturë të vitit 2008, të blerë për shumën e 3 mijë eurove. Gjithashtu gjyqtari ka një depozitë të hapur në 2006-ën, me shumën e 12 mijë eurove.

Ndërkohë në pronësi të bashkëjetueses së tij janë gjetur dy garsoniere, në pronësi të pritshme, të përfituara nga pasuritë e babait të saj.

KPK, ka konstatuar cilësi të pranueshme në bazë të pesë dosjeve dhe gjashtë denoncimeve, është shprehur relatorja Bungo. /CNA.al





Lajmet e fundit nga