web counter
LEXO PA REKLAMA!

SHKARKO APP

App Store
Google Play

Një “muxhahedin” në krye të opozitës

5 Qershor 2018, 12:02, Aktualitet CNA

Lulzim Basha, prej korrikut të vitit 2013, ka marrë drejtimin e Partisë Demokratike, pas dorëheqjes së ish-kryeministrit dhe liderit historik të PD, Sali Berisha.

Basha u prezantua si njeriu i vlerave perëndimore, me mentalitet europian, që do udhëhiqte partinë më të madhe opozitare në vend.

Por, në fakt me veprimet e tij ka treguar të kundërten e asaj çfarë është pretenduar. Në këto vite të drejtimit të PD-së, jo vetëm që nuk ka treguar liderin perëndimor, por ka shkelur me këmbë edhe ato vlera për të cilat mburret vendi ynë, siç është toleranca fetare. Basha është njeriu që nuk ka respektuar komunitetet fetare, por gjithçka e ka vetëm fasadë.

Shembulli që e tregon këtë është lista e kandidatëve të PD për Tiranën, ku nuk ka asnjë përfaqësim nga komuniteti ortodoks apo katolik. Po ti hysh thellë as në rrethe nuk ka një përfaqësi të këtyre komuniteteve. Basha me veprime dhe në mentalitet po e tregon veten si një “muxhahedin”, një përçarës.

Mjafton të shohim kurbanet që bëri kur mori drejtimin e Bashkisë së Tiranës, ndërsa tashmë kurbani i tij politik është edhe Partia Demokratike, të cilën e drejton si një “muxhahedin” duke e copëtuar, përçarë dhe duke nxitur urrejtje ndaj komuniteteve fetare apo përfaqësimit të tyre. Kjo duket që në sekretariate, apo dhe në grupet parlamentare. Por, shembulli më konkret është lista e Tiranës.  

Në vitin 2011, kur Basha mori drejtimin e Bashkisë së Tiranës, dita e betimit u shoqërua me bërjen kurban të një dashi në mjediset e jashtme të Bashkisë.

Ndërsa tashmë ka shkatërruar PD-në, disa duke i therur pas shpine dhe disa duke i dëbuar.

Kreu i PD, Lulzim Basha është jo vetëm një “muxhahedin” në mentalitet, por edhe në veprimet dhe sjelljen e tij politike./ CNA.al





Lajmet e fundit nga