E fundit!

07:23 Aktualitet

Kërcënoi pronarët në Tropojë/ Rama degjeneron ish-zv.ministrin socialist: E bënte rrumbullak gjumin në zyrë

Kryeministri Edi Rama ka nxjerrë mesazhet e ish-zëvendësmi...

Rrjeta e Vettingut tek Krimet e Rënda/ Një-ish gazetar në filtër

5 Qershor 2018, 08:46, Aktualitet CNA

E nisi karrierën si gazetar dhe përfundoi në organin e akuzës. Bëhet fjalë për Prokurorin e Krimeve të Rënda Eugen Beçi.

Ky i fundit ka ushtruar profesionin e Prokurorit tek Krimet e Rënda që në vitin e parë të themelimit të kësaj Prokurorie.

Kujtojmë se Beçi, ka qënë në krye të hetimeve për çështje të rëndësishme si ajo e Dritan Dajtit dhe e Behar Kastratit.

Pas një karriere të gjatë si prokuror pranë kësaj gjykate, Beçi është emëruar si drejtues në Prokurorinë e Krimeve të Rënda.

Por, me 4 mars 2015, ish-kryeprokurori Adriatik Llalla, njoftoi shkarkimin nga detyra të Kryeprokurorit të Krimeve të Rënda të Eugen Beçi dhe emërimin e tij në Elbasan.

Sipas Llallës kjo lëvizje u bë për të freskuar strukturat drejtuese.

Për t?i bërë fresk Prokurorisë apo për ta ndëshkuar Beçin, pas një video dhe fotove që qarkulluan në media në lidhje me të, kjo nuk usqarua asnjëherë.

Kjo histori e cila pati jehonë në media,tashmë është harruar, pasi duket se gjithçka ka qenë në kuadër të thashethemeve.

CNA.al do të sjell pasurinë e deklaruar nga prokurori Beçi, vitet e fundit.

Nëse shikojmë pasurinë e deklaruar në vitin 2017, Beçi radhitet në kategorinë e prokurorëve të varfër.

Por, ndër vite Beçi nuk rezulton kaq i varfër sa në vitin 2017.

Në vitin 2015, ai ka deklaruar se ka blerë një apartament banimi 169 metra katrorë, të cilin ka thënë se e ka përfituar nga shkëmbimi i pasurisë me një person.

Për shkëmbimin e kësaj prone, ka kaluar apartamenti i tij me sipërfaqe 82 metra katrorë në Tiranë, si dhe shuma prej 7.2 milionë lekësh. Nga kjo shumë, 4.4 milionë dhënë në vitin 2014.

Ai gjithashtu ka deklaruar të ardhura nga paga 2 milionë lekë dhe të ardhura nga paga e bashkëshortes si nëpunëse Bashkia Tiranë 577 mijë lekë.

Ndërsa në vitin 2017 ai ka deklaruar të ardhura nga paga, gatishmëria dhe shpërblimet si prokuror, pranë Prokurorisë për Krime të Rënda, në shumën 1 603 667 lekë.

Të ardhura nga paga e bashkëshortes si nëpunëse ne Bashkinë Tiranë, në shumën 713 671 lekë.

Kontratë kredi bankare, blerje shtëpi banimi me datë 19.12.2006 në shumën 5 000 000 lekë. Kredia ka afat 300 muaj, duke filluar nga dhjetori i vitit 2006. Norma e interesit 12 përqind vjetore, ku tre përqind i paguan dhe pjesën tjetër të mbetur paguhet nga Ministria e Financave. Kësti mujor është 24 000 lekë. Shuma e shlyer është 178 068 51 lekë, ndërsa shuma e pashlyer është 3 433 421 63 lekë./CNA.al