web counter
LEXO PA REKLAMA!

SHKARKO APP

App Store
Google Play

Atentati në Vlorë/ Policia jep detajet

4 Qershor 2018, 21:50, Aktualitet CNA

Një ngjarje e rëndë raportohet të ketë ndodhur pak minuta më parë në qytetin bregdetar të Vlorës.

Sipas të dhënave paraprake mësohet se persona ende të pa identifikuar kanë hapur zjarr ndaj një makine tip ?Ford? me targa OD476AF.

Dyshohet se nga ngjarja ka mbetur i vrarë një person, pronar i një lokali në Vlorë. Ngjarja e rëndë ka ndodhur afër Skelës në Vlorë.

Nga po të njëjtat burime, mësohet se i ndjeri është pronari i një bar kafe dhe disa lokaleve në këtë qytet, Vasil Dervishaj, 29 vjeç. Të ndjerit i kanë zënë pritë dhe e kanë qëlluar me breshëri.

Policia ka shkuar në vendin e ngjarjes dhe po punon për zbardhjen e plotë të saj, si dhe identifikimin dhe kapjen e autorëve.

Në njoftimin e policisë thuhet:

Vlorë

Informacion paraprak

Më datë 04.06.2018, në lagjen ”Pavarësia” tek ish-kombinati i peshkut, është vrarë me armë zjarri shtetasi V.D., 29 vjeç, banues në Mavrovë, Vlorë.

Janë ngritur pika kontrolli dhe po krihet zona me qëllim kapjen e autorit.

Grupi hetimor ka nisur punën për zbardhjen e rrethanave të ngjarjes, dhe për identifikimin e kapjen e autorit./CNA.al





Lajmet e fundit nga