web counter
LEXO PA REKLAMA!

SHKARKO APP

App Store
Google Play

Meta 'presion' Ramës/ Kreu i SHISH i fut në 'sherr'

5 Qershor 2018, 08:28, Aktualitet CNA

Pas dorëheqjes së Visho Ajazi Likës në tetor të vitit 2017, në krye të Shërbimit Informativ Shtetëror (SHISH) është propozuar nga kryeministri Edi Rama prej 7 muajsh Helidon Bendon.

Por presidenti Ilir Meta mban peng dekretimin e tij me arsyetimin se nuk ka asnjë urgjencë për këtë çështje dhe se ka nevojë ta studiojë mirë kandidaturën.

Një veprim i tillë po shkakton përplasje mes Presidencës e Qeverisë dhe deputetët e Partisë Socialiste e shohin këtë gjë si një lëvizje të mirëmenduar nga Ilir Meta.

Në një prononcim për gazetën “Sot” përfaqësuesi i PS në qarkun e Fierit, Bujar Çela deklaroi se Bendo po mbetet peng i pazareve të Presidentit.

Çela thotë se Presidenti po e ruan dekretimin si një gurë rezervë për një moment ku të kërkojë diçka në interes të tij.

?Zvarritja do zgjatet akoma sepse Meta e ka të qartë një gjë. Presidentit kjo kandidaturë nuk i shërben. Por nga ana tjetër, ai nuk ka çfarë t?i bëjë. Helidon Bendo mund të rrijë nënkryetar me detyrën e kryetarit sa të dojë Kryeministri. Ai e mban si një gur rezervë për të thënë që kur të më kërkosh X-person, do të kem në dorë Helidonin. Do të vijë një moment kur ai do të ketë nevoja, sepse Meta është i zhytur në nevoja?, tha Çela.

“Sot” ka mësuar se janë pikërisht dy çështje për të cilat Ilir Meta po e ruan dekretin e Bendos: Kontrolli i Lartë i Shtetit dhe Banka e Shqipërisë.

Kryetari i KLSH pritet që të ndryshohet shumë shpejt, ndërsa për Guvernatorin e Bankës së Shqipërisë, Gent Sejko ka debate nëse duhet të vijojë më tej detyrën me mandat të plotë.

Meta po përpiqet t?i ?kapë? sepse në momentin që do të kryhen ndryshimet, ai ka ndërmend të propozojë emrat e tij për drejtues. Në këtë mënyrë, kreu i shtetit po planifikon t?i bëjë ?presion? kryeministrit Edi Rama se: Helidon Bendon e dekreton vetëm nëse lideri i qeverisë i pranon propozimet për drejtues në KLSH dhe Bankën e Shqipërisë.





Lajmet e fundit nga