web counter
LEXO PA REKLAMA!

SHKARKO APP

App Store
Google Play

Komisioni i gjobave pranë Policisë së Shtetit “degjeneron” qytetarët

5 Qershor 2018, 09:24, Aktualitet CNA

Sikur të mos mjaftonin hallet dhe problemet e përditshme për qytetarët, një tjetër makth i vertetë për ta është edhe dalja përpara komisionit të gjobave pranë Komisariatit Rajonal të Policisë Rrugore në Kinostudio. Pranë këtij Komisariati, çdo ditë që në orët e para të mëngjesit, krijohen radhë të gjata nga qytetarë, të cilët presin një vendim për vlerën e gjobës që duhet të paguajnë.

Nisur nga fakti i numrit të madh të gjobave jo të gjithë ?hallexhinjtë? arrijnë të mbarojnë punë brenda ditës, pasi regjistrimi i tyre bëhet deri në orën 7 të mëngjesit dhe për një numër të kufizuar, çka i detyron qytetarët të ribëjnë të njëjtën radhë ditët në vijim, në pritje të ndëshkimit të tyre. Kjo rutinë, mbytëse, strapacuese dhe degjeneruese është kthyer në një ferr të vertetë jo vetëm për qytetarët e Tiranës, të cilët humbasin orë e ditë me radhë për të paguar gjobat e tyre, por me keq akoma në rastet e qytetarëve që vijnë nga rrethet.

Në lidhje me këto radhë që krijohen tashme prej disa vitesh, të cilat të kujtojnë radhët e qumështit në kohën e diktaturës, nuk ka asnjë reagim nga organet kompetente për shmangien e tyre. Për sa kohë të mos jepet një zgjidhje për këtë problem qytetarët do të jenë të detyruar të kalojnë nga i njëjti ?ferr?, dhe me sa duket do të duhet të presin gjatë pasi ata (opozita) që duhet të ngrejë zërin për zgjidhje mendon vetëm për ?BABALEN?, ndërsa ata (mazhoranca) të cilët duhet ta zgjidhin mendojnë vetëm për ?SHOKUN E BABALES?. Si përfundim të dyja këto të fundit, si dy pjesë të së njëjtës mollë të kalbur, po ?punojnë? vërtetë fort për një Shqipëri që nuk duam dhe një vend ku nuk duam të jetojmë!/ CNA.al





Lajmet e fundit nga