web counter
LEXO PA REKLAMA!

SHKARKO APP

App Store
Google Play

Shokon gruaja e 27-vjeçarit që ndërroi në Korçë/ Do të varem me gjithë fëmijët

5 Qershor 2018, 11:19, Aktualitet CNA

Më 17 maj të këtij viti, 27-vjeçari Enea Ftoj ndërroi jetë në ambjentet e Komisariatit të Policisë së Korçës. Uniformat blu thanë se vdekja ishte natyrale, ndërkohë familjarët pretendojnë se i riu ka gjetur vdekjen pas dhunimit nga policia.

Por pas tragjedisë së vdekjes së të riut, për familjen e Enea Ftojt, hallet nuk kanë fund.

Bashkëshortja e tij Entela, me tre fëmijë të vegjël bën apel për ndihmë, ndërsa kërcënon se do të vrasë veten.

Në një prononcim për Top Channel, ajo thotë se ?Prej dy javësh fle së bashku me tre fëmijët jashtë. Flemë tek Pazari dhe në lulishte të qytetit.Nuk kam asnjë të ardhur.

Fëmijët ka disa ditë që nuk ushqehen, askush nuk më ka ofruar ndihmë.

Kërkoj një shtëpi ku të strehohem bashkë me fëmijët, në të kundërt do var veten. Policia që më vrau burrin, të na vrasë ne të katërt?.

Pas vdekjes së të shoqit, Entela bashkë me fëmijët 5 vjeç, 3 vjeç dhe 1 vjeç, u largua nga shtëpia e tij dhe për pak kohë jetoi tek prindërit, të cilët gjithashtu bën apel pasi nuk kishin mundësi ta mbanin.

?Tani jetoj tek gjyshja, pasi prindërit e Eneas nuk kanë për vetë mundësi ekonomike.

Nëse shteti nuk merr masa për mua, unë do të varem me gjithë fëmijë.

Nuk kam shpresë tjetër?, është shprehur ajo më herët.





Lajmet e fundit nga