web counter
LEXO PA REKLAMA!

SHKARKO APP

App Store
Google Play

'Furtunë' në Policinë e Korçës/ Shkrihen sektorë, transferohen drejtuesit

5 Qershor 2018, 11:16, Aktualitet CNA

Drejtoria e Policisë së qarkut të Korçës është përfshirë nga vala e ndryshimeve. Mësohet se drejtoria vendore do të pësojë ndryshime në disa prej strukturave kyçe të saj.

Kështu janë shkrirë plotësisht sektori i krimit ekonomik dhe sektori i antidrogës, ku përveç specialistëve, të cilët janë transferuar në sektorë të tjerë, mësohet se janë larguar nga detyra edhe dy drejtuesit e këtyre sektorëve.

Gjithashtu janë larguar edhe shefi i qarkullimit të Korçës dhe Pogradecit, të cilët do të mbajnë detyrën e shefit të rendit. Shefi i qarkullimit të Korçës do të mbajë pozicionin e shefit të rendit në Maliq, ndërsa shefi i qarkullimit të Pogradecit do të mbajë pozicionin e shefit të rendit në po të njëjtin qytet, shkruan report tv.

Edhe sektori i qarkullimit rrugor ka pësuar ndryshime. Më shumë se 50% e efektivëve të këtij sektori do të transferohen në sektorin e rendit, ndërsa në sektorin e qarkullimit priten emërime të reja.

Lëvizjeve nuk do t?i shpëtojnë edhe komisariatet. Ndryshimet në strukturën vendore të Policisë Shtetit vijnë pas miratimit të ristrukturimit me firmë të Drejtorit të Përgjithshëm, Ardi Veliu muajin e kaluar.





Lajmet e fundit nga