Ish-ministri i Ramës, zbulon kryetarin e ri të PS -së

5 Qershor 2018, 10:36, Aktualitet CNA

Ish-ministri i drejtësisë Ylli Manjani ka ?shpërthyer?, në rrjetet sociale në lidhje me përzgjedhjen e kandidatëve për kryetar Bashkie.

Sipas Manjanit është e papranueshme që edhe përzgjedhja e kandidatëve për Kryetarë bashkish të mbetet në pronësi të partive.

Ndërsa ka kundërshtuar këtë tezë, Manjani ka vlerësuar kryetarin e Bashkisë së Tiranës, Erion Veliaj, i cili sipas tij është kandidati më i mirë për të qenë në krye të Partisë Socialiste.

?Erioni, meqë ra fjala, është pjesë e politikës. Pjesë aktive madje. Ai është talent i lindur për politikë dhe për mua një kandidat i denjë për të marrë drejtimin e PS.

Prandaj dhe duhet t?i hapet rruga qytetarëve të Tiranës të propozojnë njerëzit e tyre jo politikë, që të merren me qytetin pa e pasë mendjen tek PR politik për llogari të partisë dhe të ardhmes së tyre në parti?, ka shkruar Manjani në rrjetet sociale.

Postimi i plotë:

Bashkitë politike duhet të kenë një fund!
????
Është e papranueshme që edhe përzgjedhja e kandidatëve për Kryetarë bashkish të mbetet në pronësi të partive!

Veçanërisht Bashkia Tiranë përceptohet si fat-vendosja për drejtuesit e partive kryesore në vend, që do të thotë edhe e qeverisë.

Është e padrejtë kjo sjellje politike! Shumë e padrejtë madje!

Pse duhet të vendosin partitë për pusetat e pastrimin e rrugëve? Po për lejet e ndërtimit apo planet urbane, përse?!

Si ka mundësi që qytetet tona nuk prodhojnë kandidatë jo politikë për të administruar punët e qytetit?!

Po pse u dashka të harxhojmë kohë publike me debatin: ?do kandidojë Erioni apo jo??!

Erioni, meqe ra fjala, është pjesë e politikës. Pjesë aktive madje! Ai është talent i lindur për politike dhe për mua një kandidat i denjë për të marrë drejtimin e PS.

Prandaj dhe duhet ti hapet rruga qytetarëve të Tiranës të propozojnë njerëzit e tyre jo politikë, që të merren me qytetin pa e pasë mendjen tek PR politik për llogari të partisë dhe të ardhmes së tyre në parti!

Nuk ka vetqeverisje me ?dorën e ngrohtë? të partisë mbi supe!

Ky model na e çpifi! Mjaft më me lojën e bashkisë për partinë!

Opozita veçanërisht ka në dorë të ?diktojë? standartin e qytetarisë, duke mbeshtetur kandidatë të qytetit dhe jo të forumeve.

PS të bëjë si të dojë, por ja vlen përplasja e standarteve: qytetari përballë politikës!

Opozita nuk mund të harxhojë kohë me analiza të kandidatëve politikë! Opozita ka shancin të rrjeshtohet me standartin: bashkitë në duart e qytetarëve dhe jo politikanëve.

Është koha për të ndarë partitë nga bashkitë!

Kush e bën këtë do ta mbështes me të gjithë fuqinë!/CNA.al