web counter
LEXO PA REKLAMA!

SHKARKO APP

App Store
Google Play

E fundit!

x

Balla ‘dush të ftohtë’ kryebashkiakut të LSI-së

25 Maj 2018, 16:09, Aktualitet CNA

Në vijim të turit të llogaridhënies publike, mazhoranca sot është zhvendosur në qytetin e Cërrikut.

Kreu i grupit Parlamentar të Partisë Socialiste, Taulant Balla, duke iu përgjigjur pyetjeve të disa banorëve, të cilët denoncuan raste flagrante në administratën e Bashkisë Cërrik, deklaroi se reforma administrative territoriale nuk u bë për të fryrë administratën e Bashkisë me militantë partie, por për ta reduktuar atë nga njerëz që rrinë gjithë ditën kot e që marrin rrogën në bashki pa bërë asnjë punë.

?Dua t?i tërheq veshin Kryetarit të Bashkisë Cërrik jo pse është i LSI-së, sepse aty ku është zgjedhur ka marrë mbështetjen tonë tre vite më parë, mbështetjen e shumicës së popullit të Cërrikut. Dhe ne duam të bashkëpunojmë në shërbim të popullit të shkëlqyer të Cërrikut. Por, dua t?i kujtoj se reforma administrative territoriale nuk u bë për të fryrë administratën e Bashkisë me militantë partie, por për ta reduktuar atë nga njerëz që rrinë gjithë ditën kot e që marrin rrogën në bashki pa bërë asnjë punë. Fakti që bashkia e Cërrikut e harxhon buxhetin e vet në pjesën më të madhe për paga, i ul kësaj Bashkie kapacitetin konkurues dhe bashkëfinancues me fondin e zhvillimit të rajoneve, ku bashkëfinancimi është një kriter themelor.?, deklaroi Balla./ CNA.al





Lajmet e fundit nga