E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Ekskluzive-Opozita "teston" mazhorancën?/ Flet Agron Duka

25 Maj 2018, 16:03, Aktualitet CNA

Kreu i Partisë Agrare Ambientaliste, Agron Duka në një intervistë ekskluzive për CNA.al ka zbuluar detajet e aksionit opozitar.

I pyetur nga CNA.al, se çfarë pritet të ndodhë në protestën e nesërme, Duka tha se ?Do të jetë një protestë qytetare, si të gjitha ato që kemi zhvilluar deri tani, ku ne do të marshojmë me bashkëqytetarët tanë nga Ministria e Brendshme deri tek Kryeministria.?

Gjithashtu Duka tha se nëse nuk do të ketë reagim nga qeveria, protestat do të vazhdojnë, sepse sipas tij tashmë mazhoranca njeh vetëm forcën e numrave dhe reagimin e shesheve.

Ndër të tjera, kreu i PAA-së tha se ?Unë gjykoj, se në një farë mënyre, protestat janë si një referendum, dhe masin më së miri pulsin e situatës.”

Sipas tij, mazhoranca duhet të nxjerrë mësime nga protesta dhe nga pakënaqësia që po shkakton vetëm në vitin e parë të këtij mandati.

Intervista e plotë:

Çfarë pritet të ndodhë në protestën e nesërme?

Nesër pritet të jetë një ditë e mirë për të gjithë ata që besojnë se shteti nuk mund të ketë asnjë lidhje me dorgën dhe krimin. Qytetarët do të mblidhen në paqe për t?i dhënë një mesazh të qartë mazhorancës: Boll më! Do të jetë një protestë qytetare, si të gjitha ato që kemi zhvilluar deri tani, ku ne do të marëshojmë me bashkëqytetarët tanë nga Ministria e Brendshme deri tek Kryeministria.

Cili është mesazhi që do të përcillni?

Mesazhi është tashmë i qartë, Ministri i Brendshëm nuk mund të jetë një person që ka një konflikt të pastër interesi, duke pasur vëllain të dënuar për trafik droge. Ne nuk mund të pranojmë këtë standart, mbi të gjitha nuk mund të pranojmë delegjitimimin e institucioneve tona, të cilat janë mbushur me individ që prishin imazhin e Shqipërisë, dhe cënojnë besimin e njerëzve tek këto institucione. Si mund t?ju imponohet shqiptarëve një anti model kaq i dëmshëm? Unë z. Xhafaj e kam mik, nuk kam asgjë personale me atë, por, ai nuk mund të mbajë më atë pozicion. Të bëhet Ministër Bujqësie, apo diçka tjetër, por aty nuk mund të qendrojë. Moralisht po jep mesazhin e gabuar, edhe ndaj vartësve të tij, apo ndaj funksionarëve të policisë, të cilët në të njëjtat pozita do të ishin larguar nga detyra. Por jo vetëm kaq. Pozicioni i vështirë i ministrit, dhe ortakëria e mazhorancës me krimin, i ka dhënë zemër këtij të fundit. Bastisia e prokurorisë së Durrësit tregon se institucionet kanë rënë, krimi guxon të sulmojë shtetin sepse nuk ka frikë nga forca e tij. Nëse mund të bastisin një prokurori, atëherë mund të bëjnë çfarë duan në këtë vend, prandaj ne duhet të reagojmë sepse kjo situatë rrezikon themelet e shtetit dhe sigurinë e të gjithëve.

Cfarë do të sjellë kjo protestë në aksionin politik?

Unë gjykoj, se në një farë mënyre, protestat janë si një referendum, dhe masin më së miri pulsin e situatës.

Në 11 muaj, kjo do të jetë protesta e dytë më e madhe, më pak se një vit pas zgjedhjeve. Nëse kjo protestë do të përsërisë numrat e asaj të 27 janarit, do të jetë treguese që mazhoranca është e tillë vetëm në mandatet parlamentare. Duhet të jetë mazhoranca e cila duhet të nxjerrë mësime nga protesta dhe nga pakënaqësia që po shkakton vetëm në vitin e parë të këtij mandati. Në një shtet demokratik, shumë nga faktet e ndodhura, do ta kishin detyruar mazhorancën të largohej, apo të paktën të ndryshonte disa eksponentë; por këta e kanë ngrënë turpin me bukë, duke treguar se nuk kanë qëllim tjetër përveç tepsisë.

Frika e humbjes së tepsisë, do të bëjë që shumë drejtime të ndryshohen, dhe, nëse kjo nuk ndodhë, ne do të përshkallëzojmë patjetër aksionin tonë.

Si do vijojë aksioni politik në të ardhmen, nëse nuk do të ketë reagime nga Qeveria?

Protestat do të vazhdojnë, sepse tashmë të gjithë kemi kuptuar se mazhoranca njeh vetëm forcën e numrave dhe reagimin e shesheve. Rasti i Kukësit është ilustrimi më i mirë, detyroi mazhorancën të tërhiqet nga taksa e rrugës së Kombit. Kjo na tregon se rruga e vetme është protesta, dhe përballja frontale me opozitën. Megjithatë, unë mendoj se Ministri i Brendshëm do të largohet; edhe pse mazhoranca këmbëngul me arrogancë në qëndrimin e saj, i cili po e turpëron dhe po i jep kosto politike, shumë shpejt do të tërhiqet pasi është qartazi kundër çdo morali qytetarë dhe shoqëror./ CNA.al