web counter
LEXO PA REKLAMA!

SHKARKO APP

App Store
Google Play

Protesta e Opozitës/ Aleati i Bashës, zbulon planin

25 Maj 2018, 12:48, Aktualitet CNA

Opozita e bashkuar ka thirrur shqiptarët në protestë kombëtare  me 26 maj për rrëzimin e qeverisë së kryeministrit Edi Rama.

Aleati i Lulzim Bashës, kreu i LZHK-së, Dashamir Shehi, një ditë para protestës ka zbuluar për CNA.al, planin që pritet të zbatojnë.

Sipas Shehit, plani kryesor është që të mbledhin shumë njerëz, për të realizuar të paktën kauzën kryesore që ka të bëjë me largimin e Famir Xhafajt nga Ministria e Brendshme.

?Plani është të mbledhim sa më shumë njerëz. Protesta të jetë popullore, paqësore , për tezat politike që tashmë dihet se kush janë, si largimi i ministrit të Brendshëm  që  është teza kryesore.

Sigurisht që do të protestohet edhe për largimin e gjithë Qeverisë. Kjo është strategjia. Por imediatja e domosdoshmja  është  largimi i Ministrit të Brendshëm?, ka thënë Shehi në një prononcim për CNA.al.

Më tej Shehi, ka treguar se nuk ka një program, si protestat e shkuara, ku janë përcaktuar personat që do të flasin.

Ndaj sipas tij nuk është vënë afat për mbajtjen e protestës, pasi nuk dihet se sa persona do të kërkojnë të flasin.

?Nuk dihet sa do të zgjasë se mundet të ketë shumë njerëz që duan të flasin. Nuk është puna se ka një skaletë si në teatër  që do të hyjë ky apo të dalë ai.  Po pati njerëz shumë ka mbaruar aksioni politik?, ka thënë më tej kreu i LZHK-së.

Sipas Shehit, nëse nuk do të ketë reagime nga ana Qeverisë, në lidhje me kërkesat e Opozitës, do të  zhvillohet një protestë më e madhe se ajo që pritet./CNA.al





Lajmet e fundit nga