web counter
LEXO PA REKLAMA!

SHKARKO APP

App Store
Google Play

E fundit!

x

Sherefedin Shehu i thur “lavde” Ramës

25 Maj 2018, 09:15, Aktualitet CNA

Ish-deputeti I Partisë Demokratike, Sherefedin Shehu ka sulmuar kryeministrin Edi Rama, si dhe ka injoruar punën e qeverisë në fushatën e llogaridhënies.

Shehu shkruan se Rama tërë këto kohë ka folur se çfarë do të bëjë qeveria në vitet e ardhshme, por nuk ka folur asnjëherë se çfarë nuk ka bërë në këto 5 vite.

Më poshtë Shehu në ironi të theksuar ka thurur disa vargje për të treguar Ramën e vërtetë.

Reagimi i plotë:

Rama po na heq trurin. Del e tregon përralla dhe thotë po jap llogari. Ka 5 vite që na qeveris dhe akoma na tregon se çfarë do të bëjë në të ardhmen. Si nuk thotë një fjalë për ato që nuk ka bërë? Si nuk kërkon ndjesë që po na përzë nga Shqipëria? Ai po na heq bukën e gojës që të na kontrollojë më lehtë. Ai po ngre lavdinë e tij mbi vendin e rrënuar. Atij i rritet kënaqësia kur i merr frymën biznesit. Ai nuk ka mëshirë për qytetarët kokëulur. Prandaj u përpoqa që ta përshkruaj më poshtë Ramën e vërtetë:

Ramë O Ramë

 

E fillove me aksione,

I quajte reforma,

Të na hypësh lehtë,

Mbi kurrizet tona.

 

Ta parat ishin taksat,

Pastaj drita e llampës,

Nuk harrove ujin,

Dajakun e radhës.

 

Je i paparë,

Se nuk ke të ndalur,

Në rritjen e taksave,

Edhe pse të varfër.

 

Na takson tokën,

Na takson krevatin,

Takson dhe tavolinën,

Ku ne hamë vaktin.

Na takson arën,

Na takson traktorin,

Thua e do ligji,

Dhe vazhdon zakonin.

 

Na takson punën,

Na takson pagën,

Na bëre për kothere,

Por mos e çaj kokën!

Na takson dhinë,

Na takson lopën,
Na takson pantallonat,
Por harrove kopsën.

Na takson këpucët,
Na takson këmishat,
Na takso dhe pluhurin

Që ju mbulon të krisurat.

Na takson pijet,
Na takson duhanin,

Taksoji dhe mendimet

Nëse guxojnë e dalin.

Na takson ujin

Dhe bukën që hamë,
Na takso dhe lotët

Nëse guxojmë të qajmë.

Na takson naftën,
Na takson makinën,

Dhe gjej ndonjë mënyrë

Edhe për prapanicën.

Na takso çfarë kemi

Dhe na e bëj të qartë

Se nuk ke të ndalur

Deri në qindarkë.

 

Nëse dikush bërtet
Dhe kundërshton me forcë

Mos ja ndaj taksat

Deri në atë botë.

Pastaj taksoji arkivolin,
Taksoji dhe varrin,
Aty ku i pushon shtati
Taksoji dhe barin.
Mbi pllakën e gurtë,

I shkruaj këto fjalë,

?Taksat nuk do të ndahen,

Edhe këtu në varr?.

Dhe pasi ta varrosësh,

Mos rri rehat,

Vazhdo dhe taksoje,

Nëse ka lënë gjë pas.





Lajmet e fundit nga