E fundit!

16:01 Aktualitet

Deklarata skandaloze e ministres serbe/ PD: Të shpallet non grata dhe të paditet për nxitje të genocidit

Partia Demokratike ka reaguar lidhur me deklaratën e minis...

Grabitja e Prokurorisë/ Zbulohet identiteti i autorëve të dyshuar

25 Maj 2018, 07:25, Aktualitet CNA

Pas grabitjes së ndodhur ditën e djeshme në Prokurorinë e Durrësit, policia ka bërë të mundur ndalimin e tre personave.

Bëhet e ditur se personat e ndaluar si të dyshuar janë roja private Nais Lena 56-vjeç; Artur Isa dhe Besnik Bushi.

Bëhet e ditur se shtetasit Isa dhe Bushi kanë qenë me precedent të mëparshëm penalë, ndërsa policia është duke vijuar hetimet.

Grabitësit kanë arritur të hyjnë në zyrat e Prokurorisë dhe të marrin prej andej materiale që I përkisnin dosjeve të korrupsionit.

Kujtojmë këtu se kjo është hera e dytë kur Prokuroria e Durrësit bie pre e grabitjes, pasi vetëm dy javë më parë, postierit të Postës Sekrete, iu grabitën disa materiale që nga Prokuroria u cilësuar si jo sekrete.

Njoftimi i plotë:

Durrës

Ndalohen dy autorët e dyshuar të vjedhjes së zyrave të Prokurorisë Durrës.

Ndalohet edhe roja private e SH.P.S.F. për shpërdorim detyre.

Më datë 24.05.2018 nga ana e Specialistëve për Krimet në Komisariatin e Policisë Durrës u bë ekzekutimi i urdhërave të ndalimit të Prokurorisë për shtetasit:

Nias Lena 56 vjeç, banues në Durrës, roje private, i caktuar me shërbim në orarin kur janë vjedhur zyrat e Prokurorisë;

Artur Isa 49 vjeç, banues në Sukth i Ri Durrës, me precedentë penalë të mëparshëm

Besnik Bushi 54 vjeç, banues në Durrrës, me precedentë penalë të mëparshëm.

Dy shtetasit e mësipërm A.Isa dhe B.Bushi në bashkëpunim me njëri-tjetrin dyshohet se janë autorë të vjedhjes së zyrave të Prokurorisë Durrës.

Ata dyshohet kanë hyrë në zyrat e prokurorisë dhe kanë vjedhur, dëmtuar dokumentet dhe kanë ndërhyrë në sistemin kompjuterik.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale:

“Shpërdorimi i detyrës” në ngarkim të shtetasit Nias Lena parashikuar në nenin 248 të Kodit Penal.

” Ndërhyrja në sistemet kompjuterike” dhe “Zhdukja ose humbja e fashikullit” në bashkëpunim në ngarkim të shtetasve A.Isa dhe B.Bushi parashikuar në nenet 293/c/2 dhe 313/a , 25 të Kodit Penal. /CNA.al