web counter
LEXO PA REKLAMA!

SHKARKO APP

App Store
Google Play

E fundit!

x

Nesër protesta/ Opozita “kërcënon” hapur qeverinë

25 Maj 2018, 15:03, Aktualitet CNA

Kreu i Partisë Agrare Ambientaliste, Agron Duka në një intervistë ekskluzive për CNA.al, ndër të tjera ka folur edhe në lidhje me çfarë pritet të sjellë protesta e ditës së nesërme në aksionin politik.

Duka theksoi se ?Frika e humbjes së tepsisë, do të bëjë që shumë drejtime të ndryshohen, dhe, nëse kjo nuk ndodhë, ne do të përshkallëzojmë patjetër aksionin tonë.?.

Sipas Dukës, protestat janë si një referendum, dhe masin më së miri pulsin e situatës.

Duka theksoi se në 11 muaj, kjo do të jetë  protesta e dytë më e madhe, më pak se një vit pas zgjedhjeve.

?Nëse kjo protestë do të përsërisë numrat e asaj të 27 janarit, do të jetë treguese që mazhoranca është e tillë vetëm në mandatet parlamentare. Duhet të jetë mazhoranca e cila duhet të nxjerrë mësime nga protesta dhe nga pakënaqësia që po shkakton vetëm në vitin e parë të këtij mandati. Në një shtet demokratik, shumë nga faktet e ndodhura, do ta kishin detyruar mazhorancën të largohej, apo të paktën të ndryshonte disa eksponentë; por këta e kanë ngrën turpin me bukë, duke treguar se nuk kanë qëllim tjetër përveç tepsisë.?-u shpreh kreu i PAA-së, Agron Duka.

Gjithashtu Agron Duka tha se nëse nuk do të ketë reagime nga qeveria, protesta do të vazhdojë.

?Protestat do të vazhdojnë, sepse tashmë të gjithë kemi kuptuar se mazhoranca njeh vetëm forcën e numrave dhe reagimin e shesheve. Rasti i Kukësit është ilustrimi më i mirë, që e detyroi mazhorancën të tërhiqet nga taksa e Rrugës së Kombit. Kjo na tregon se rruga e vetme është protesta, dhe përballja frontale me opozitën. Megjithatë, unë mendoj se Ministri i Brendshëm do të largohet; edhe pse mazhoranca këmbëngul me arrogancë në qëndrimin e saj, i cili po e turpëron dhe po i jep kosto politike, shumë shpejt do të tërhiqet pasi është qartazi kundër çdo morali qytetarë dhe shoqëror.?-tha Agron Duka./ CNA.al





Lajmet e fundit nga