web counter
LEXO PA REKLAMA!

SHKARKO APP

App Store
Google Play

Tepelenasit këngë për marrëveshjen e lavdishme të 17-18 majit  

23 Maj 2018, 12:09, Aktualitet CNA

Në redaksinë e CNA.al ka mbërritur një këngë, që thuhet se vjen nga fshati Rexhin i Tepelenës.

Dërguesit thonë se autorët janë frymëzuar nga një këngë e Kastro Zisos, që i kushtohet marrëveshjes së 18 majit.

Sipas tyre, grupi polifonik i fshatit po punon për ta kthyer punimin në këngë dhe sapo ajo të jetë gati do të dërgojnë në redaksinë tonë me audio.

Më poshtë teksti i këngës:

SE ZGJEDHJE KA NË ÇDO DY VJET

Kujtoni si thërritëm atëherë “fituam”

Nuk ishte dasëm, por festë pati

Dolli për armikun që na mori në prehër

Kur duart i fërkonte me të drejtë kunati

 

REFRENI

Si na iku ky vit pa e kuptuar

Prej ditës që u puthëm me dushmanin

Tani jemi tamam njësoj si më parë

Ku e kishim lënë e gjetëm jaranin (LSI)

 

Sepse ne s’mund të jemi primitivë

Si të tjerë që nga politika s’kuptojnë

Ne e dimë se e gjitha është teatër

Ndaj aq sa të rrojmë, do gëzojmë

 

Kjo është punë përherë me fitim

Se zgjedhje ka një herë çdo dy vjet

Nuk ka fare rëndësi kush del i pari

Mos dëgjoni kush qan dhe bërtet

 

Lëvduar qoftë kush e shpiku garën

Mjafton të hysh, s’ka problem si del

Kampioni do ta vërë dorën në zemër

Veç laps i duhet, s’ka nevojë për penel

 

Në këtë vend të duhet veç pak fantazi

Dhe vazhdo e fol kot për Shqipërinë

Se këta kokëpalarët harrojnë shpejt

Askush nuk na e gjen dot llogarinë

 

REFRENI

Një vit na iku si pa e kuptuar

Por njerëzia duhet mbajtur me shpresë

Edhe pse fitorja nuk do të vijë kurrë

Të paktën ëndrra e tyre të mos vdesë.





Lajmet e fundit nga