E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kryemadhi në panik/ Gati të braktiset dhe nga kryebashkiakët

23 Maj 2018, 08:06, Aktualitet CNA

Së fundmi çdo ditë e më shumë i Lëvizjes Socialiste për Integrim duket se është kthyer në një shqetësim për kryetaren e kësaj partie, Monika Kryemadhi. Pas largimeve të dhjetëra këshilltarëve bashkiakë, të cilët iu bashkuan Partisë Socialiste, si edhe distancimit të deputetëve të LSI nga aksionet e opozitës, Kryemadhi ka nisur punën për të ?bllokuar? rrjedhjet e mëtejshme.

Ditën e djeshme ata lëshoi një kërcënim për të gjithë krerët e Lëvizjes Socialiste për Integrim, të cilët dëshirojnë që të bëhen sërish pjesë e Partisë Socialiste. Teksa ishte mbledhur me kryetarët e rretheve për të diskutuar për protestën e ditës së shtunë që ka paralajmëruar opozita, Monika Kryemadhi iu dërgoi një mesazh të koduar anëtarëve të LSI, duke theksuar se kryeministri Edi Rama po përpiqet të afrohet me këtë parti, por nënvizoi se LSI është në opozitë dhe askush nuk duhet të shohë nga PS. ?Sado të përpiqet që të përhapë fjalë dhe mjegull se do kërkojë bashkëpunim me LSI, Edi Rama nuk do arrijë të bindë askënd. Madje as bashkëpunëtorët e tij të afërt. Sepse të gjithë ata e kanë të qartë se LSI është në opozitë jo me Edi Ramën si individ, por me Edi Ramën si frymëzues dhe zbatues të kanabizimit dhe trafikimit të lëndëve narkotike. Për ne nuk ka asnjë kompromis me një qeveri të zhytur në trafik dhe korrupsion. Asnjë deklaratë me zë ose pa zë e Edi Ramës nuk mund ta shpërqendrojë vëmendjen e publikut nga e keqja më e madhe që është qeverisja e tij. LSI është e vendosur deri në fund në opozitë me drogën, trafikantët dhe klikën që drejton sot Shqipërinë?, u shpreh ajo. Përmes kësaj deklarate, Kryemadhi iu tregoi krerëve të LSI se nuk vendi i tyre është në opozitë dhe se si duhet të sillen në raste flirti nga ana e socialistëve.

Braktisje edhe nga kryebashkiakët

Por në një kohë kur Kryemadhi lëshon mesazhe të tilla, burime të afërta i thanë gazetës se Lëvizja Socialiste për Integrim është drejt braktisjes edhe nga kryetarët e bashkive.-raporton gazeta Sot.

Sipas informacioneve, ditët e fundit kryetarja e LSI, Monika Kryemadhi ka patur debate të forta dhe të ashpra me kryebashkiakët dhe për këtë arsye pritet që në ditët në vijim këta të fundit të bashkohen me Partinë Socialiste. Pra përveç, këshilltarëve bashkiakë dhe distancimit të deputetëve të LSI si, Robert Bitri apo Edmond Haxhinasto, një tjetër furtunë do ta prekë Lëvizjen Socialiste për Integrim. Me largimin e pritshëm të disa kryebashkiakëve të kësaj force politike, situata për të do të bëhet edhe më e rëndë, duke shkuar edhe drejt shpërbërjes totale. Por burimet i thanë gazetës se përveç kryebashkiakëve të LSI, pritet që në ditët në vijim edhe kryebashkiakët e Partisë Demokratike ta braktisin këtë të fundit për tu bërë pjesë e partisë në pushtet.