web counter
LEXO PA REKLAMA!

SHKARKO APP

App Store
Google Play

E fundit!

x

Integrimi në BE/ Majlinda Bregu tregon sa kanë përfituar europianët

23 Maj 2018, 13:53, Aktualitet CNA

Sekretarja e Përgjithshme e Këshillit të Bashkëpunimit Rajonal, Majlinda Bregu, në një postim në rrjetet sociale, ka treguar se sa e rëndësishme është Europa për qytetarët pjesë të BE-së, nëpërmjet një sondazhi të bërë për Parlamentin Europian.

Më poshtë Majlinda Bregu ka paraqitur rezultatet e sondazhit.

Europianët e duan BE ( dhe populistët gjithashtu)

Nga një sondazh/anketë i bërë për Parlamentin Europian, një vit përpara zgjedhjeve, lajm i mirë për Eurokratët dhe politikanët që përgatiten për zgjedhjet e vitit të ardhshëm është se mbështetja për BE është “në pikën më të lartë të saj që prej viti 1983”. Lajm akoma më i mirë për BE është se 67 për qind e të anketuarve besojnë se vendi i tyre ka përfituar nga anëtarësimi në BE, dhe 60 për qind thonë se të qenët pjesë e bllokut mbetet një gjë e mirë (12 për qind thonë se është e keqe për vendin e tyre). Në vitin 2011, në kulmin e krizave financiare dhe ekonomike të BE-së, vetëm 47 për qind thanë se anëtarësimi në BE ishte një gjë e mire.

Partitë anti-establishment konsiderohen nga 38 për qind e të anketuarve si një kërcënim për demokracinë – dhe 63 për qind e atyre të moshës nën 24 vjeçare mendojnë se “partitë dhe lëvizjet e reja politike mund të gjejnë zgjidhje më mirë” sesa partitë ekzistuese. Megjithatë, 70 për qind e të anketuarve u pajtuan se “vetëm duke qenë kundër diçkaje nuk përmirëson asgjë”.

Një shqetësim I lartë I të anketuarve është terrorizmi. Në të njëjtin sondazh në vitin 2013, terrorizmi renditej ulët në listen e shqetësimeve, i nominuar nga vetëm 7 përqind e të anketuarve. Në vitin 2018, ky shqetësim është rritur në 49 për qind në të gjithë BE. Rezultatet variojnë nga njëri vend në tjetrin. Ka pasur shumë shqetësime rreth emigracionit në Itali (ku 66 përqind thanë se ishte një çështje prioritare), Malta (65 përqind) dhe Hungaria (62 përqind).

Sondazhi përfshinte 27,000 persona nga 28 vendet anëtare të BE. /CNA.al





Lajmet e fundit nga