web counter
LEXO PA REKLAMA!

SHKARKO APP

App Store
Google Play

Skandal/ Erion Veliaj shkel vendimin e Gjykatës

23 Maj 2018, 09:37, Aktualitet CNA

Në muajin shkurt të këtij viti, Gjykata Administrative shpalli të pavlefshëm mandatin e 6 anëtarëve të Këshillit të Bashkiak të Tiranës, të cilët morën detyrën pasi paraardhësit e tyre u zgjodhën deputetë të Partisë Socialiste në zgjedhjet e 25 qershorit.

Gjykata e bazoi vendimin në Ligjin për Vetëqeverisjen Vendore, në të cilin parashikohet  proçedura për marrjen e mandatit të këshilltarit bashkiak.

Ky vendim erdhi pasi këshilltari bashkiak i PD ?së, Fabian Topollaj hodhi në gjyq Bashkinë me arsyetimin se procedurat e ndjekura për zgjedhjen e gjashtë këshilltarëve bashkiakë në korrik 2017 janë në shkelje të ligjit.

Sipas Gjykatës, në mbledhjen e 26 korrikut, 2017,  6 këshilltarë të PS-së nuk e kanë marrë mandatin sipas proçedurës ligjore.

Gjithnjë, sipas gjykatës, këshilltarët e rinj e marrin mandatin vetëm nëse kanë siguruar votat e nevojshme në Këshillin Bashkiak,  por Erion Veliaj nuk i kishte votat për t?iu dhënë mandatin 6 këshilltarëve të rinj.

Kryebashkiaku Erion Veliaj, nuk është mjaftuar me shkeljen e ligjit për mandatimin e 6 anëtarëve, por ka shkuar edhe më tej, duke miratuar vendime të rëndësishme.

Pas vendimit të Gjykatës Administrative, automatikisht vendimet e marra me votën e këtyren 6 anëtarëve, konsiderohen nul.

Një nga këto vendime është  edhe rritja e çmimit të ujit për banorët e Tiranës.

Vendimi  në fjalë duhet të ishte anuluar, menjëherë pas vendimit të Gjykatës  Administrative.

Veliaj me anëtarë të mandatuar kundërligjshëm,  ka marrë dhe po merr vendime të rëndësishme me votat e këtyre anëtarëve.

A e ka grisur Veliaj, vendimin e Gjykatës Administrative, apo  drejtësia nuk funksionon për të ashtuquajturin  ?lali Eri??

Për t?u rimandatuar anëtarët e Këshilli Bashkiak,  duhet të bëhet proçedura nga e para. Është Këshilli Bashkiak ai që vlerëson se a duhet ta marrin apo jo mandatin këta këshilltarë, ashtu siç ligji e parashikon, por përpara se të ndodhë kjo, duhet të anullohen të gjitha vendimet që janë kaluar nga korriku i 2017-ës e këtej./CNA.al

 

 





Lajmet e fundit nga