E fundit!

07:30 Kosova & Bota

Tronditet Venezuela/ Dy tërmete të fuqishme godasin vendin, 32 viktima dhe mbi 700 të plagosur

Dy tërmete të fuqishme me magnitudë 7.2 dhe 7.5 ballë të s...

“Duaje fqinjin tënd”/ Mesazhi që përcjell Shqipëria në “Lutjet e mëngjesit”

23 Maj 2018, 14:15, Aktualitet CNA

Shqipëria do të jetë nikoqire e takimit të Grupit të Mëngjesit të Lutjeve, të Evropës Juglindore, që do të mbahet të shtunën, me moton ?Duaje Fqinjin Tënd?.

Ky është një grup kryesisht me drejtues dhe deputetë të Parlamenteve të Europës Juglindore i krijuar sipas modelit me mbështetjen e Kongresit dhe Senatit Amerikan. Qëllimi i tij është të nxisë bashkëpunimin politik dhe gjeografik përtej ndasive politike dhe rajonale.

Aktiviteti organizohet me rrotacion në secilin prej vendeve te Europës Juglindore dhe në 2 vitet e fundit është bërë në Bullgari dhe Serbi.

Vendimi për ta bërë atë në Shqipëri është marrë 6 muaj më parë.

Në të marrin pjesë anëtarët e Grupit të Mëngjesit të Lutjeve të secilit Parlament të rajonit si dhe janë ftuar dhe kanë konfirmuar pjesëmarrjen kongresmenë, senator amerikanë si edhe disa kryetarë Parlamentesh Qeverie të Rajonit, deputetë dhe drejtues edhe nga vendet e Europës si Gjermania dhe Austria.

Gjithashtu janë ftuar edhe personalitete të tjera me influencë dhe drejtues të lartë të vendit organizator.

Të shtunën në mëngjes bëhet lutja dhe hahet mëngjesi. Pastaj do të mbahet një seancë me kryetarët e Parlamenteve ku do të flasin disa kryetarë ose nënkryetarë që do të marrin pjesë.

Ndërkaq është menduar dhe një seancë për presidentët, që do të drejtohet nga Presidenti Ilir Meta Meta, ku janë ftuar të flasin të gjithë ish-presidentët e Shqipërisë.

Nga ish-presidentët, mësohet se nuk do të jetë Bamir Topi, pasi që nuk e ka mbështetur ndonjëherë këtë aktivitet.

Më tej, pasdite do të ketë edhe një tavolinë diskutimi për çështjet e sigurisë në rajon dhe më gjerë ku do të jetë kryetari i OSBE, një deputet apo lord anglez.

Të premten në darkë do ketë një pritje tek Pallati i Brigadave nga kryetari i Kuvendit Gramoz Ruçi dhe të shtunën në darkë do të jetë Presidenti Ilir Meta, i cili do të organizojë një pritje tek Hotel Plaza./CNA.al