web counter
LEXO PA REKLAMA!

SHKARKO APP

App Store
Google Play

Çfarë nuk u vu re në Parlament/ Ja si do të "vjedhë" qeveria me ligjin e ri

3 Maj 2018, 18:47, Aktualitet CNA

Dita e sotme është shoqëruar me një sërë zhvillimesh, si dorëheqja e nga mandati i deputetit e ish-Ministrit të Brendshëm Saimir Tahiri, apo edhe punimet e seancës plenare, ku mes të tjerash u miratuar edhe ligji për ndihmën sociale.

Por ajo për të cilën nuk u fol në media dhe jo vetëm, është vendimi që për ndërtimet me mbi 2000 metër katrorë, 3% e sipërfaqes së shfrytëzueshme të shkojë për banesa sociale.

Por nëse do ta shqyrtojmë këtë ligj ja çfarë do të rezultojë.

Së pari, ndërtimi bëhet në truall privat dhe e drejta mbi pronën është e drejtë kushtetuese, ashtu si e drejta për të zhvilluar këtë pronë. Kështu që për rrjedhojë, edhe dhënia e lejes së ndërtimit për të zhvilluar pronën tënde është një e drejtë kushtetuese.

Por çfarë ndodh, shteti ndërhyn me ligj dhe praktikisht konfiskon për nevoja të veta sipërfaqe ndërtimi.

Kjo ndërhyrje, në rastin më të mirë është një taksë e fshehtë që paguhet në natyrë. Ndonëse ky parashikim u hoq na komisionet parlamentare, ai u rifut sot në seancë, ku edhe kaloi me shumicë votash.

Kjo është mënyra më e re që ka vendosur qeveria, që për të plotësuar interesat e saj, të “gjobisë” biznesin në përgjithësi, dhe ndërtuesit në veçanti. /CNA.al





Lajmet e fundit nga