web counter
LEXO PA REKLAMA!

SHKARKO APP

Konferenca për shtyp e Tahirit/ Mustafaj: Mimika e tij ishte e frikshme

3 Maj 2018, 15:51, Aktualitet CNA

Ish-ministri i Jashtëm i Shqipërisë gjatë qeverisë “Berisha”, Besnik Mustafaj, ishte i ftuar në rubrikën “Opinion” në televizionin News24, ku foli rreth dorëheqjes së ish-ministrit të Brendshëm Saimir Tahiri, nga mandati i deputetit.

Mustafaj tha se kjo dorëheqje vjen pas vizitës së Ramës në Gjermani dhe kjo mund të jetë kërkuar nga Gjermania.

Më tej, teksa ka analizuar mimikën e Tahirit në konferencën për shtyp, Mustafaj u shpreh se, si është një shantazhist serioz, dhe se mimika e tij ishte e frikshme.

?Ne tashmë presim reagimin e Prokurorisë duke nisur që nga dita e sotme. Hipoteza ime është se garancia që i ka dhënë kryeministri Tahirit ka qenë garancia e prokurorisë. Shantazhisti më profesional që ka njohur Shqipëria në këto 30 vite është Saimir Tahiri. Unë do doja që Prokuroria të lëvizte. Prokuroria t?i kërkojë Kuvendit përshpejtimin e procedurave për arrestimin e Tahirit. Unë nuk di çfarë faktesh ka Tahiri, por lëvizja e mimikës së tij është e frikshme. Saimir Tahiri nuk ishte i trembur sot gjatë konferencës së tij. Unë parashikoj që kjo çështje do vazhdojë gjatë. Ndeshja tani bëhet mes mbrojtësve të Tahirit dhe prokurorisë?- tha Mustafaj. /CNA.al





Lajmet e fundit nga