web counter
LEXO PA REKLAMA!

SHKARKO APP

E fundit!

x

Përballet me komisionerët e Vettingut/ Zbardhet vendimi për prokuroren Memçaj

3 Maj 2018, 12:13, Aktualitet CNA

Komisioni i Pavarur i Kualifikimit ka dhënë sot vendimin për prokuroren e Apelit në Tiranë, Fatjona Memçaj, duke e konfirmuar atë në detyrë.

Komisioni i Pavarur i Kualifikimit pas hetimit gjashtë mujor në tre shtylla kryesore si pasuria, figura morale dhe aftësia profesionale ka arritur të verifikojë pastërtinë e figurës së prokurores Memçaj.

Prokurorja ka deklaruar një apartament 96 m2 më vlerë 27 mijë dollarë, automjet dhe motor Vespa dhe llogaritë bankare. Sipas drejtorisë së informacionit të klasifikuar, prokurorja nuk ka asnjë problem.

Sipas KPK-së prokurorja ka qenë bashkëpunuese gjatë procesit të vettingut. Edhe vetë prokurorja Fatjona Memçaj është shprehur seancën e kaluar se ?Rezultatet e verifikimit të vettingut për mua janë korrekte. Nuk kam kontestim. Kërkoj të rikonfirmohem në detyrë?.

Deri tani Komisioni ka përjashtuar gjyqtarin e Kushtetueses Fatos Lulo, gjyqtari i Gjykatës së Apelit në Durrës, Besim Trezhnjeva dhe prokuroren e Apelit Shkodër Besa Nikëhasani, ndërsa ende nuk është dhënë vendimi për Altina Xhoxhaj. Deri tani Vettingut i kane shpetuar vetem gjyqtarja e Kushtetueses Vitore Tushaj dhe prokurorja Memçaj.





Lajmet e fundit nga