E fundit!

07:46 Ekonomi

Çmimet e konsumit në të gjithë Evropën/ Vendet më të shtrenjta dhe më të lira, ja ku renditet Shqipëria

Nga Islanda në Maqedoninë e Veriut, çmimet e konsumit ndry...

Krahasimi/ Tahiri e dha dorëheqjen, Basha u fsheh pas raporteve mjekësore

3 Maj 2018, 09:39, Aktualitet CNA

Ish-ministri i Brendshëm Saimir Tahiri në një dalje për mediat paraditen e sotme ka komunikuar dorëzimin e mandatit të deputetit.

Ai u shpreh se nuk do të akuzohet më si personi që po pengon integrimin e vendit edhe pse siç tha ai po merr mbi shpinë të gjithë ?palaçot që e kanë përdhunuar këtë vend për 25 vjet?.

I hapur për hetime dhe i gatshëm të presë drejtësinë tek dera e gjykatë, Tahiri tha se ishte që sot qytetar i lirë.
?Kam marrë një vendim, dorëzoj mandatin. Unë nuk do jem deputet por një qytetar i thjeshtë si dy milionë qytetarë në këtë vend. E si qytetar i thjeshtë unë do përballem me prokurorinë, me gjykatën, me drejtësinë, me ligjin?,- u shpreh ai.

Sipas tij, çmimi i së vërtetës është më i rëndësishëm se karriera e tij, prandaj ai do vazhdojë të presë për drejtësinë e tij tek dera e gjykatës.

Por ndërkohë, kreu i PD, Luzlim Basha, i akuzuar për shpërdorim të detyrës në lidhje me Rrugen e Kombit, në kohën që mbante postin e ministrit të Brendshëm, nuk e dorëzoi kurrë mandatin, përkundrazi çdo seancë ndaj tij e shtyu me raporte mjekësore.

Në asnjë rast nuk duam të mbajmë anë apo të bëjmë avokatin e askujt, por duam vetëm të jemi gjthmonë në krah të së vërtetës.

Lulzim Basha i cili, qoftë vetë personalisht, apo nëpërmjet deputetëve të tij, nuk lë ditë pa dalë në media duke akuzuar ish-ministrin për trafik droge, duke e akuzuar se është ai pengesa kryesore për integrimin e vendit, vetë bëri krejt të kundërten e atyre që trumbeton në media çdo ditë.

Lulzim Basha nuk hoqi dorë nga imuniteti që ti hapte rrugë drejtësisë të bënte punën e saj, përkundrazi u fsheh pas tij dhe sajoi justifikime që të mos përballej me gjykatën. Ndërsa sot, një nga personat më të përfolur nga opozita, mbi të cilin akuzat e opozitës nuk kanë pushuar asnjë ditë të vetme, sot la mandatin e deputetit dhe la drejtësinë të flasë./ CNA.al