Fushata e llogaridhënies/ Ish-deputeti i “çjerr” maskën Ramës

3 Maj 2018, 07:03, Aktualitet CNA

Ish-deputeti i PD, Sherefedin Shehu ka reaguar në lidhje me të ashtuquajturën nga kryeministri Rama, ?fushata e llogaridhënies? para qytetarëve.

Në një postim në faqen e tij në rrjetet sociale, Shehu shkruan se ?Me stilin e vjetër të ?fushatave për dhënie llogari dhe zgjedhje në parti? Rama çeli fushatën e re për zgjedhje në Bashki?.

Sipas Shehut, llogaridhënia është vetëm maska, sepse atë Rama e urren më shumë dhe nuk a ka bërë ndonjëherë.

?Në vend që të thotë përse nuk ka bërë asnjë punë, na shpëlan trurin që ta besojmë se është ?mesia? i dërguar për ne.?-shkruan më tej Shehu.

Gjithashtu Shehu thekson se ?Ajo që duhet ta ndalë këtë farsë është PD. Por, kur del dhe flet Rama ajo vetëm i përgjigjet me disa kritika lajkatare. Në vend që Basha të bashkojë njerëzit, të ndërmarrë aksione politike dhe të përgatitet për përballjen politike të radhës, merret me shpalljen e grupeve armiqësore brenda partisë.?

Postimi i plotë:

Qeveria e Filloi Fushatën PD Lufton Me Veten

Me stilin e vjetër të ?fushatave për dhënie llogari dhe zgjedhje në parti? Rama çeli fushatën e re për zgjedhje në Bashki. Por, llogaridhënia është vetëm maska, sepse atë ai e urren më shumë dhe nuk a ka bërë ndonjëherë. Kurrë nuk jep përgjigje për pyetjet, por tallet dhe bën sqarime ideo-politike. Në vend që të thotë përse nuk ka bërë asnjë punë, na shpëlan trurin që ta besojmë se është ?mesia? i dërguar për ne. Për çdo problem që pyetet, gjithmonë bën fajtorë ata që e krijuan atë 6 vite më parë.

Ajo që duhet ta ndalë këtë farsë është PD. Por, kur del dhe flet Rama ajo vetëm i përgjigjet me disa kritika lajkatare. Në vend që Basha të bashkojë njerëzit, të ndërmarrë aksione politike dhe të përgatitet për përballjen politike të radhës, merret me shpalljen e grupeve armiqësore brenda partisë. Kur Rama e mbledh asamblenë për të filluar fushatën zgjedhore, Basha e mbledh Kongresin për të thelluar përçarjen brenda PD-së. Rama gjoja qeveris dhe gjen kohë edhe për fushatë elektorale. Po Bashën çfarë e pengon që të bëjë çdo ditë fushatë?

Me sa duket edhe këtë radhë Basha do ta nisë fushatën mbasi Rama ta ketë mbaruar. Kështu bëri në 2015 kur i emëroi kandidatet në fund të afatit ligjor, ndërsa në 2017 nuk arriti të listojë në afat edhe miqtë dhe klientët e tij të sigurtë. Modeli i tij do të rrisë të pakënaqurit me kandidatët dhe do të prodhojë edhe kandidatë të pavarur. Kështu pritet të ndodhë ajo që ndodhi në Dibër në 2015 dhe PD-së të mos i shkojë më ndërmend që të fitojë edhe atje ku dikur e kanë dashur dhe e kanë votuar.