Protesta kundër shfarosjes së qenve të rrugës/ Zbulohet "interesi" i Sazan Gurit

2 Maj 2018, 20:16, Aktualitet CNA

Ditëve të fundit, një ndër debatet publike është ai i shfarosjes së qenve të rrugës nga Bashkia e Tiranës, ndonëse paguhet për tu kujdesur, vaksinuar, sterilizuar dhe matrikuluar, “lali Eri” ka zgjedhur që t’i vrasë por këtë herë pa zhurmë. Punonjësit e Shtëpisë së Trajtimit të Qenve në Kombinat, pasi i kapin qentë në rrugë, përdorin disa mënyra të heshtura për t’i vrarë, si duke u injektuar acid baterish, me gjilbërë me ajër apo duke i lagur me ujë dhe goditur me elektroshok.

Pas kësaj, kanë reaguar shoqatat që merren me mbrojtjen e të drejtave të kafshëve, si: “ArsAlbania” apo “Protect me” të cilat kanë organizuar opinionin publik dhe kafshëdashësit që të dalin në protestë.

Profesori dhe ambientalisti, Sazan Guri, është një ndër organizatorët e protestës së 30 Prillit pranë Bashkisë së Tiranës.

CNA.al, zhvilloi një intervistë me profesor Gurin, ku ndër të tjera u pyet se cili ishte interesi i tij personal apo shoqatave si “ARSALBANIA”, pasi mund të ketë edhe njerëz që janë skeptikë në lidhje me pastërtinë e kësaj nisme.

Për këtë ambientalisti Sazan Guri tha:

“Ne përfaqësojmë atë pjesë të shoqërisë shqipëtare që me veprimet tona jemi duke hapur rrugën sot, se ku duhet të shkojë kombi ynë nesër. Ne nuk vijmë për të mbrojtur ndonjë interes tonin, as edhe ndonjë interes politik, as edhe ndonjë interes për kafshët shtëpiake tonat, por ne vijmë për të mbrojtur një të drejtë natyrore, po aq e drejtë njerëzore, ku jo pak, por mbi 200,000 shqiptarë sot janë kafshëdashës, mbi 2,000 të tjerë janë aktivist në mbrojtje të tyre, mbi 2,000 shqiptarë janë luftëtarë në mbrojtje të jetës së kafshëve në përgjithësi, si dhe Qenve endacak në veçanti, dhe mbi 200 janë, as më pak e as më shumë se Loro Brixhida franceze.

Kam kuptuar që interesi i vetëm i kafshë dashësve është thjesht një ndjenjë e fort dashurie të lindur, që në fakt e ka cdo njeri dhe ose çdo shqiptar brenda. Interesi tjetër është se kanë kuptuar se Qentë e braktisur tëofrojnë një ndjenë dashurie, respekti, dhembshurie, hakikati, mirënjohje që shumnë prej këtyre kafshëdashësve nuk e kanë marrë prej njerezve dhe e gjejnë si nevojë dhe e marrn ngakëto qenie të braktisura por fantastikisht të shkëlqyera, aq sa shumica e tyre të ajpin edhedorën, të pushtojnë me putra e të lidhin këmbët. Ka shumë të ngjarë që edhe ju nuke kuptoni dot nëse nuk e kini provuar. Është njësoj sikur të pyesësh një person që los bingo, apo që zë peshk, apo sportist, apo këngëtar, apo artist, apo bixhozxhi, më sakt akoma të pyesësh një alpinist që pse ti ngjiteshmaleve apo pse ti e bën këtë gjë? Thjesht se i pëlqen si një adrenalinë e munguar, e vërtetë. Lum ai që e ka provuar dhe mjerë ai që e akuzon.

Sa për interesin tim, nuk kam nevojë për adrenalina të tilla sepse kam dashuri njerëzore boll, por kam kuptuar se dinjiteti i një kombi fillon dhe matet nga sjellja e gjithesecilit qytetar të këtij kombi në lidhje me natyrën, mjedisin dhe kafshët në përgjithësi dhe Qenve në veçanti, sidomos atyre të braktisur. Kam botuar dhe një libër ?Psikologjia e qenit? qysh 10 vjet ku kam kuptuar filozofinë që ata njerëz që japin sjellje natyrore të mira me qentë e rrugës janë më se të dashur, më se të qytetëruar, më se të edukuar. Llexoni librin dhe do të kuptoni interesin tim, thjesht më thuaj sesi sillesh me Qentë e rrugës të të them se çfarë njeriu je. Të gjithë duhet të ndjehemi nga pak Arsë, nga pak Tan Xhafer, nga pak Afërditë, nga pak Anilë, nga pak Violë, nga pak Terezinë, nga pak Albanë, sepse na duhet të jemi të gjithë bashkë e të tanë.” /CNA.al